धुळे : अन्न व औषध प्रशासन विभागामार्फत कारवाया मोठ्या प्रमाणात केल्या जातात. मात्र जप्त केलेला साठा ठेवण्यासाठी पुरेशी नसल्याने ‘कुणी जागा देता का... जागा’, अशी याचना करण्याची वेळ धुळ्यातील अन्न व औषध प्रशासन विभागावर आली आहे.
रेल्वेस्टेशन चाैकात भाडेतत्वाच्या इमारतीच्या दुसऱ्या मजल्यावर कार्यालय तर तिसऱ्या मजल्यावर गोदाम आहे. हे गोदाम पूर्णपणे भरले असून उरलेला साठा आता कार्यालयात ठेवण्याची वेळ त्यांच्यावर आली आहे. इतर अन्नपदार्थांच्या बाबतीत कारवाई झाली तर संबंधित कंपनी किंवा दुकानातच माल जप्त करून सील केला जातो. तसे हमीपत्र त्यांच्याकडून लिहून घेतले जाते. परंतु कायद्याने बंदी असलेला गुटखा मोठ्या प्रमाणात आढळत असल्याने हा साठा ठेवण्यासाठी जागा अपूर्ण पडत आहे.
या विभागाचे कार्यालय गेल्या वर्षांपासून भाडेतत्वाच्या इमारतीत आहे. दरमहा ४४ हजार ५४३ रुपये भाडे आहे. जिल्हा प्रशासनाकडे जागेच्या मागणीचा तगादा लावला आहे. पंरतु प्रशासनाने जागा उपलब्ध करून दिली नाही.
जप्त साठा ठेवण्यासाठी जागा अपूर्ण
अन्न व औषध प्रशासन विभागाकडे जप्त केलेला साठा ठेवण्यासाठी जागा अपूर्ण पडते आहे. धुळे शहरात स्टेशनरोड चाैकातील एका भाडेतत्वाच्या इमारतीमध्ये दुसऱ्या मजल्यावर कार्यालय आहे. तर तिसऱ्या मजल्यावर गोदाम आहे. या गोदामात जप्त केलेला गुटख्याचा साठा ठेवलेला असतो. हे गोदाम पूर्णपणे भरले असून आता इतर साठा कार्यालयामध्ये ठेवण्याची वेळ आली आहे. त्यामुळे कर्मचाऱ्यांची गैरसोय होत आहे. जागेची मागणी अनेक वर्षांपासून प्रलंबित आहे.
वषर्षभरात जप्त केलेला गुटखा
अन्न आणि औषध प्रशासन विभागाने वर्षभरात केलेल्या कारवाईत तब्बल १ कोटी १४ लाख ३१ हजार २२० रुपयांचा गुटखा पकडला.
सर्वाधिक १४ कारवाया मे महिन्यात झाल्या. त्यात १५ लाख २२ हजार ५७९ रुपये किमतीचा गुटख्याचा साठा जप्त करण्यात आला.
गेल्या वर्षी जानेवारी आणि ऑगस्ट या दोन महिन्यात एकही कारवाई झालेली नाही.
अन्न व औषध प्रशासनाच्या २०२० मध्ये केलेल्या कारवाया
००
०४
०६
०३
१४
०२
०३
००
०२
०१
०४
०१
कारवाईत पकडलेला माल ठेवण्यासाठी कार्यालयाच्या वरच्या मजल्यावर गोदाम आहे. ते पूर्ण भरले आहे. जप्त केलेला गुटख्याचा साठा ठेवण्यासाठी जागा अपूर्ण पडते. त्यामुळे सध्या काही साठा कार्यालयात ठेवण्याची वेळ आली आहे. कर्मचाऱ्यांना कार्यालयात वावरताना अडचण होते. शिवाय गुटख्याच्या उग्र दुर्गंधीचा देखील त्रास होतो. स्वत:ची इमारत बांधण्यासाठी जिल्हा प्रशासनाकडे जागेची मागणी केली आहे.- सं. कृ. कांबळे,
सहायक आयुक्त (अन्न), अन्न व औषध प्रशासन विभाग