धुळे जिल्ह्यात दहावीसाठी ३२ हजार विद्यार्थी प्रविष्ठ

जिल्ह्यात ६३ केंद्र, सहा भरारी पथकांची राहणार नजर, केंद्रावर बैठे पथक राहणार

आॅनलाइन लोकमत
धुळे : महाराष्टÑ राज्य माध्यमिक व उच्च माध्यमिक शिक्षण मंडळातर्फे घेण्यात
येणाऱ्या दहावीच्या परीक्षेला मंगळवार ३ मार्चपासून सुरूवात होत आहे. इयत्ता दहावीसाठी जिल्ह्यातून ३१ हजार ८३६ विद्यार्थी प्रविष्ठ झालेले आहेत. जिल्ह्यातील ६३ केंद्रावर परीक्षा होणार आहे.
इयत्ता दहावीची परीक्षा ३ मार्च ते २३ मार्च २०२० या कालावधित होणार आहे. जिल्ह्यातील ६३ केंद्रांवर आजपासून परीक्षा सुरू होईल. यामध्ये धुळे शहरामध्ये १३, धुळे ग्रामीणमध्ये १७, साक्री तालुक्यात १३, शिरपूर तालुक्यात नऊ व शिंदखेडा तालुक्यात ११ अशा एकूण ६३ केंद्रावर विद्यार्थी परीक्षा देणार आहेत.
३१ हजार विद्यार्थी
दहावीच्या परीक्षेसाठी जिल्ह्यातून ३१ हजार ८३६ विद्यार्थी परीक्षेसाठी प्रविष्ठ झालेले आहेत.यात धुळे शहरातून ७हजार ८११, धुळे ग्रामीणमधून ७ हजार ३०६, साक्री तालुक्यातून ६ हजार ७६५, शिरपूर तालुक्यातून ५ हजार १९८ तर शिंदखेडा तालुक्यातून ४ हजार ७५६ विद्यार्थी परीक्षा देणार आहेत.
दरम्यान गेल्यावर्षी तर दहावीसाठी २९ हजार ७१५ विद्यार्थी प्रविष्ठ झाले होते. गेल्यावर्षाच्या तुलनेने यावर्षी २ हजार १२१ विद्यार्थी जास्त आहेत.
सहा भरारी पथकांची नियुक्ती
परीक्षा सुरळीत पार पडावी म्हणून मंडळातर्फे सहा भरारी पथकांची नियुक्ती करण्यात आली आहेत. यामध्ये माध्यमिक शिक्षणाधिकारी, प्राथमिक शिक्षणाधिकारी, डायटच्या प्राचार्या तसेच डायटच्या वरिष्ठ अधिव्याख्यात्या व प्रभारी उपशिक्षणाधिकारी यांचा समावेश आहे.
परीक्षा केंद्रावर बैठे पथक
जिल्ह्यातील सर्वच परीक्षा केंद्रावर विस्तार अधिकारी व केंद्र प्रमुख यांचे बैठे पथक राहणार आहे.
दरम्यान संबंधित विस्तार अधिकारी व केंद्र प्रमुख हे ज्या तालुक्यात कार्यरत आहे, त्या तालुक्यात त्यांना नियुक्त करण्यात येऊ नये अशा सूचना जिल्हाधिकाऱ्यांनी केल्याचे सांगण्यात आले. जिल्ह्यात काही अतिसंवेदनशील परीक्षा केंद्र असून, त्याठिकाणी विशेष लक्ष ठेवण्याच्या सूचनाही अधिकाºयांनी दिल्या आहेत.
प्रश्नपत्रिका पुरवठा करण्यासाठी व उत्तरपत्रिका जमा करण्यासाठी जिल्ह्यामध्ये एकूण आठ कस्टडीची व्यवस्था करण्यात आली आहे. यामध्ये धुळे शहर व ग्रामीणसाठी ३ , साक्री, शिंदखेडा तालुक्यासाठी दोन, शिरपूर तालुक्यासाठी एक कस्टडी, व्यिवस्था करण्यात आलेली आली आहे.कॉपीमुक्त परीक्षा पार पाडण्यासाठी शिक्षण विभागाचे प्रयत्न सुरू आहेत.