देवपूर पोलिसांची सतर्कता, गुरांची तस्करी उघड, २० लाखांचा मुद्देमाल जप्त

राजस्थानमधून महाराष्ट्रात येणारा एचआर ५५ -पी ६३०४ क्रमांकाचा कंटेनर मुंबई आग्रा राष्ट्रीय महामार्गाने धुळ्याच्या दिशेने येत असताना कुंडाणे फाट्याजवळ सकाळी सव्वासात वाजेच्या सुमारास कंटेनर येताच तो थांबविण्यात आला. चालकाकडे चौकशी केली असता त्याच्याकडून उडवा-उडवीची उत्तरे मिळताच कंटेनर रस्त्याच्या बाजूला करून चालकाला पोलिसी खाक्या दाखविण्यात आला. त्याच्या चौकशीतून ही सुमारे ४० गुरे राजस्थानमधील भिलवाडा येथून मालेगावच्या दिशेने नेल्या जात असल्याचे उघड झाले आहे. कंटेनरमधील गुरे कोंबलेल्या अवस्थेत आढळून आली. यातील ३ गुरांची गुदमरुन मृत्यू झाला असल्याचे पोलिसांना तपासणीतून आढळून आले. पोलिसांनी कंटेनरमधील जिवंत असलेली गुरे कंटेनरमधून खाली उतरुन पांझरा पोळ येथील गो-शाळेत पाठविले. पोलिसांनी १५ लाख रुपये किमतीच्या कंटेनरसह ४ ते ५ लाखांची गुरे असा मिळून सुमारे २० लाखांचा गुरे जप्त केली आहेत.