वाडी शेवाळे येथील बाधीताचा मृत्यू

आतापर्यंत जिल्ह्यातील १२ रूग्णांचा कोरोनामुळे मृत्यू

धुळे- येथील हिरे वैद्यकीय शासकीय महाविद्यालयात उपचार घेत असलेल्या वाडी शेवाळे येथील ६७ वर्षीय पुरूषाचा रविवारी सकाळी मृत्यू झाला आहे. जिल्ह्यात कोरोना विषाणूचे आतापर्यंत १०८ रुग्ण आढळून आले आहेत. त्यापैकी १२  जणांचा मृत्यू झाला आहे. आतापर्यंत ४८ रुग्ण कोरोना विषाणूपासून मुक्त झाले आहेत. त्यानंतर शनिवारी १० जणांना डिस्चार्ज देण्यात आला. दरम्यान हिरे  रुग्णालय काही बाधितांवर उपचार केला जात आहे़