१८ गुन्हेगारांना जिल्ह्यातून हाकलले

पोलीस अधीक्षक यांनी केली हद्दपारीची कारवाई

धुळे : वेगवेगळ्या गुन्ह्यात वारंवार सहभागी होणाऱ्या १८ गुन्हेगारांना पोलीस अधीक्षक चिन्मय पंडित यांनी हद्दपारीची कारवाई करीत गुंडांवर वचक आणण्याचा प्रयत्न केला आहे. या १८ पैकी १३ जणांना एक वर्षासाठी तर पाच जणांना दोन वर्षासाठी जिल्ह्यातून हाकलले आहे.

वेगवेगळ्या गुन्ह्यातील आरोपींना हद्दपार करण्याचा प्रस्ताव देवपूर पोलीस ठाणे अणि आझादनगर पोलीस ठाण्यांकडून पोलीस अधीक्षक यांच्याकडे पाठविण्यात आलेला होता. त्यावर सर्व कायदेशीर प्रक्रिया पार पाडण्यात आली. त्यानुसार देवपूर पोलीस स्टेशन अंतर्गत १३ जणांचा समावेश आहे. यात सागर सुनील कांबळे (२६, रा. नेहरुनगर, वाडीभाेकर रोड, धुळे) व त्याच्या टोळीतील ऋषिकेश नरेंद्र भांडारकर रा. राजेंद्र नगर, गाेंदूर रोड, लखन ज्ञानेश्वर लोणारी रा. विटाभट्टी देवपूर, प्रफुल्ल दिनकर भोई रा. नगावबारी देवपूर, गौरव उर्फ जम्ब्या रमेश नरोटे रा. नेहरु नगर, वाडीभोकर रोड, धुळे, अजय अमृत कांबळे रा. नेहरु नगर, देवपूर, शुभम राजेंद्र देशमुख रा. बिलाडी रोड, देवपूर, अविनाश उर्फ पप्पू सुभाष अहिरराव रा. न्हावी कॉलनी देवपूर, राहुल प्रदीप सूर्यवंशी रा.मोचीवाडा देवपूर, बापू उर्फ अशाेक रामदास गांगुर्डे रा. नेहरु नगर, देवपूर धुळे, शुभम संजय भामरे रा.नेहरु नगर, देवपूर, अनिल त्र्यंबक लोणारी रा. साईबाबा नगर, देवपूर, भैय्या माळी उर्फ धनंजय विकास सूर्यवंशी रा. मास्तरवाडी,नेहरु नगर, देवपूर, या १३ जणांना एक वर्षाच्या मुदतीकरीता धुळे जिल्ह्यासह जळगाव जिल्ह्यातील अमळनेर, पारोळा, चाळीसगाव आणि नाशिक जिल्ह्यतील मालेगाव तालुक्यातून हद्दपार करण्यात आले.

तसेच आझादनगर पोलीस ठाण्याच्या हद्दीतील पाच जणांचा समावेश आहे. त्यात टोळीप्रमुख मनोज दिलीप वाडीले, रा. गायकवाड चौक, धुळे, रविंद्र उर्फ टिल्लू गबा सोनवणे रा. जुने धुळे, राकेश दिलीप वाडीले रा. गायकवाड चाैक, जुने धुळे, गौतम अशोक अंगरे रा.स्वामीनारायण कॉलनी, बाजार समिती परिसर, धुळे, भटू बडगुजर उर्फ मनोज रघुनाथ सूर्यवंशी रा.सुर्याेदय कॉलनी, वरखेडी रोड धुळे या पाच जणांना धुळे जिल्ह्यातून दोन वर्षाच्या मुदतीकरीता हद्दपार करण्यात आले आहे.