झाड उन्मळून पडले ; वीजपुरवठा खंडित

भूम : शहरातील मेन रोडवर भलेमोठे जुने झाड बुधवारी रात्री अकरा वाजेच्या सुमारास अचानक विजेच्या तारांवर कोसळले. यामुळे वीज वाहिन्या रस्त्यावर पडल्या. सुदैवाने ही घटना रात्रीच्या वेळी घडल्यामुळे रस्त्यावर कसलीही वर्दळ नव्हती. त्यामुळे मोठी दुर्घटना टळली. दरम्यान, बुधवारी सायंकाळी पाचच्या सुमारास ही वाहतूक सुरळीत करण्यात प्रशासनाला यश आले. वीजपुरवठा सुरू करण्याचे काम मात्र उशिरापर्यंत सुरूच होते.

शहरातील मुख्य रस्त्यावर गांधी चौकाजवळ उजव्या बाजूला हे जुने मोठे झाड होते. बुधवारी रात्री अचानक हे झाड वीज वाहिन्यावर कोसळले. यामुळे ‘एलटी’ वीज वाहिनी रस्त्यावर पडल्याने या परिसरातील विद्युतपुरवठा खंडित झाला. या परिसरात सराफा दुकाने, हॉटेल, किराणा, कपडा आदी व्यापाऱ्यांची दुकाने असून, सातत्याने नागरिकांची वर्दळ असते. त्यामुळे ही घटना दिवसा घडली असती तर मोठा अनर्थ घडला असता. हे झाड रस्त्यावर आडवे झाल्याने या मार्गची वाहतूक गुरुवारी दिवसभर ठप्प होती. अखेर सायंकाळी पाच वाजेच्या सुमारास प्रशासनाने हे झाड रस्त्यावरून बाजूला केल्यानंतर वाहतूक सुरळीत चालू झाली. महावितरणच्या अधिकाऱ्यांकडून वीजपुरवठा सुरू करण्याचे काम मात्र उशिरापर्यंत सुरूच होते.

चौकट......

मान्सूनपूर्व कामांकडे महावितरणचे दुर्लक्ष

महावितरणने पावसाळ्यापूर्वी विजेच्या तारांमध्ये अडकणाऱ्या फांद्या काढणे, तारा ओढून घेणे यासारखी कामे करून घेणे गरजेचे आहे. परंतु, याकडे दुर्लक्ष झाल्यामुळे शहरात अनेक ठिकाणी विजेच्या तारा फांद्यांमुळे झाकून गेल्याचे दिसत आहे. यामुळे थोडा जरी पाऊस, वारे सुटले तरी वीजपुरवठा खंडित होत आहे. त्यामुळे वरिष्ठ अधिकाऱ्यांनी याकडे लक्ष देऊन ही कामे मार्गी लावावीत,अशी मागणी होत आहे.

070721\20210707_124533.jpg

१) भूम फोटो परंडा रोडवरील फ्लोरा चौकात मेन लाईनवर झाडाचे फाटे वाढलेला फोटो

२) भूम फोटो गांधी चौकाजवळील मेन रोडचे बाभळीचे झाड पडल्याचा फोटो