धक्कादायक ! उस्मानाबादेत कोरोनामुळे पोलीस कर्मचाऱ्याचा मृत्यू; जिल्ह्यातील ८ वा बळी

परंडा ठाण्यात कार्यरत असलेले 55 वर्षीय पोलीस कर्मचाऱ्याचा मृत्यू

परंडा (जि. उस्मानाबाद) : उस्मानाबाद जिल्ह्यातील परंडा ठाण्यात कार्यरत असलेल्या एका हवालदाराचा मंगळवारी पहाटे कोरोनाने बळी घेतला आहे. या मृत्यूमुळे जिल्ह्यातील कोरोना बळींची संख्या 8 वर पोहोचली आहे.

परंडा ठाण्यात कार्यरत असलेले 55 वर्षीय हवालदार हे किडनी व लिव्हरच्या आजाराने त्रस्त होते. जून महिन्यातच त्यांनी सोलापूर येथे उपचार घेतले होते. त्यांच्यासमवेत रुग्णालयात गेलेल्या पत्नी व मुलास त्रास होत असल्याने त्यांची तपासणी केली असता 12 जून रोजी ते कोरोनाबाधित आढळून आले. यानंतर 14 रोजी हवालदार व त्यांचा आणखी एक मुलगाही बाधित आढळला. दरम्यान, बाधित पोलीस कर्मचाऱ्याचा उपचार सुरू असताना 22 जून रोजी पहाटेच्या सुमारास मृत्यू झाला आहे. या मृत्यूने जिल्ह्यातील पहिला पोलिस बळी गेला आहे.