सराफ, सुवर्णकारांचा बंद

उमरगा : केंद्र शासनाने एचयुआयडी व सोने डिक्लेरेशन हा कायदा केला आहे. यामुळे सराफ व्यवसाय करताना अनेक अडचणी निर्माण होऊ लागल्या आहेत. या अनुषंगाने जिल्ह्यात विविध ठिकाणी सराफ व्यापाऱ्यांनी सोमवारी या कायद्यास विरोध दर्शवित बंद पाळला तसेच या अनुषंगाने प्रशासनाला निवेदन देण्यात आले.

केंद्र सरकारकडून कायद्यात जटिलता व गुंतागुंत करून सराफ व्यवसाय बंद पाडण्याचा डाव असल्याचा आरोप करत हा नियम केवळ ट्रॅकिंग, मेकॅनिसमसाठी शासंकीत असल्याने खरेदी-विक्रीस अडचणी निर्माण होऊन वेळ व पैसा वाया जाणार असल्याचे उमरगा येथील संघटनेने निवेदनात म्हटले आहे. यावेळी सराफ असोसिएशनचे अध्यक्ष बाळासाहेब कौलकर, उपाध्यक्ष राजगोपाल काबरा, सचिव लवअंकुश पोतदार, रमेश पोतदार, अजय पोतदार, श्रीनिवास पोतदार, अशोक पोतदार, ऋषिकेश महामुनी, राहुल पवार, राहुल मिसाळ, अभिजित चन्ने, धनाजी माळी, बसवराज जेवळे, रवीकिरण पोतदार, पांडुरंग पाटील, विष्णू महामुनील राघवेंद्र माणिकवार, दिलीप पोतदार आदी उपस्थित होते.

भूममध्येही व्यापार बंद

भूम : एचयुआयडी व सोने डिक्लेरेशन या कायद्यांविरोधात भूम येथील सराफ संघटनेनेही एक दिवस व्यापार बंद ठेवले. यावेळी उपविभागीय अधिकारी यांना लेखी देण्यात आले. या निवेदनावर सराफ संघटना, व्यापारी पदाधिकारी व सदस्य यांच्या स्वाक्षरी आहेत.