नमुना घरकुल बांधकाम सुरू

(फोटो : अरूण देशमुख ०४)

भूम : केंद्र शासन व राज्य शासनाच्या विविध घरकुल योजनेअंतर्गत ग्रामीण भागाकरिता बांधावयाच्या घरकुलासाठी तालुकास्तरावर नमुना (डेमो) घरकुल बांधकाम करण्यात येत आहे. याचा शुभारंभ पंचायत समिती आवारात उपसभापती बालाजी गुंजाळ यांच्या हस्ते करण्यात आला.

महाआवास अभियान (ग्रामीण) अंतर्गत या घरकुलाचे बांधकाम करण्यात येणार आहे. हा नमुना पाहून त्यानुसारच लाभार्थींनी आपल्या घरकुलाचे बांधकाम करावयाचे आहे. या डेमो घरकुलाचे बांधकाम १५ मार्चपर्यंत पूर्ण करण्याचा संकल्प आहे. यावेळी सभापती मैना भडके, उपसभापती बालाजी गुंजाळ, गटविकास अधिकारी बी. आर. ढवळशंख, गटशिक्षण अधिकारी सुनील गायकवाड, राष्ट्रवादी तालुकाध्यक्ष हनुमंत पाटुळे, समाधान सातव, शाखा अभियंता डब्ल्यू. के. राठोड, सहायक अभियंता आर. आर. सूर्यवंशी, स्थापत्य अभियांत्रिकी सहायक जी. बी. जाधवर, ग्रामीण गृहनिर्माण अभियंता आण्णासाहेब चव्हाण आदी यावेळी उपस्थित होते.

भूम फोटो ------

भूम पंचायत समिती आवारात नमुना घरकुल बांधकाम शुभारंभप्रसंगी उपसभापती बालाजी गुंजाळ, गटविकास अधिकारी बी. आर. ढवळशंख आदी.