साक्षरता शिबिरास प्रतिसाद

काक्रंबा : तुळजापूर तालुक्यातील काक्रंबा येथे १५ जानेवारी रोजी भारतीय स्टेट बँक व नाबार्ड यांच्या संयुक्त विद्यमाने, नाबार्डच्या आर्थिक समावेश निधीअंतर्गत वित्तीय साक्षरता शिबिर घेण्यात आले.

यावेळी भारतीय स्टेट बँकेचे लातूर येथील मुख्य प्रबंधक मिलिंद जरीपटके, उस्मानाबादचे मुख्य प्रबंधक भास्कर मणी, उपप्रबंधक पवनकुमार पाटील, तुळजापूर शाखेचे नीलेश उकंडे यांची प्रमुख उपस्थिती होती. या शिबिरात ग्राहकांना राष्ट्रीय पेन्शन योजनेच्या अखत्यारितील अटल पेन्शन योजना, प्रधानमंत्री सुरक्षा विमा योजनेंतर्गत १२ रुपयांत दोन लाखांचा अपघात विमा, प्रधानमंत्री जीवन ज्योती विमा योजना, मुद्रा लोन, जनधन योजना, प्रधानमंत्री जीवन सुरक्षा योजना आदींची माहिती देण्यात आली. सूत्रसंचालन ॲड.वामन पांडागळे यांनी केले, तर आभार विशाल कंदले यांनी मानले. यावेळी प्रा.दत्तात्रय देवगुंडे, विठोबा झाडे, अशोक कंदले, सुनील पाटील, शहाजी देवगुंडे, अहमद आन्सारी, दीपक क्षीरसागर, सुधाकर शिराळकर, अण्णासाहेब बेडगे, महादेव देवगुंडे, व्यंकट झाडे, सुनीता कानडे, मनिषा क्षीरसागर, केशरबाई कंदले आदी ग्राहक उपस्थित होते.