‘म्हंकाळेश्वर’ची सत्ता कायम

उपजिल्हा रुग्णालयात स्वच्छता मोहीम

परंडा : येथील पेशवा युवा मंच व उपजिल्हा रुग्णालय यांच्या संयुक्त विद्यमाने शिवसेनेचे नगरसेवक मकरंद जोशी व वैद्यकीय अधीक्षक डॉ. निलोफर पठाण यांच्या मार्गदर्शनाखाली येथील उपजिल्हा रुग्णालयात स्वच्छता मोहीम राबविण्यात आली. मंचचे अध्यक्ष शुभम भातलवंडे जीवन विद्वत, किरण वैद्य, रवी वैद्य, जयेश विद्वत, आदित्य विद्वत रोहित भोत्रेकर, तसेच रुग्णालयातील अधिकारी व कर्मचाऱ्यांनी यात श्रमदान केले.

मदतीसाठी शासन उपाययोजना करणार

उस्मानाबाद : मराठा आरक्षण मिळावे यासाठी राज्य सरकार सर्वोच्च न्यायालयामध्ये भक्कमपणे बाजू मांडत असल्याचे सांगून आरक्षणासाठी बलिदान दिलल्यांच्या वारसदारांना शासकीय आर्थिक मदत मिळावी यासाठी शासन उपाययोजना करणार असल्याची माहिती नगर विकास व सार्वजनिक बांधकाम मंत्री एकनाथ शिंदे यांनी दिली. आरक्षणासाठी दिलेल्या कुटुंबियांनी शिंदे यांची भेट घेऊन आरक्षण व मदतीबाबत विचारणा केली. यावेळी त्यांनी ही माहिती दिली.

माणकेश्वरमध्ये विजयाचा जल्लोष

माणकेश्वर : येथील ग्रामपंचायतीवर स्व. बापूसाहेब आंधारे जनविकास आघाडीचे १२, तर परिवर्तन विकास आघाडीचा १ उमेदवार विजयी झाला. यामुळे येथे समर्थकांनी जल्लोष केला. विजयी उमेदवारांमध्ये विशाल कातुरे, मंदाकिनी माळी, शेख नसरीन शेर मोहम्मद, विशाल अंधारे, नंदा सुदाम पवार, भाऊसाहेब अंधारे, शामल कोळेकर, कल्याण देवकते, विमल मच्छिंद्र अंधारे, बादला सलमाबी नासर, नंदुबाई प्रभाकर तेलंगे, सुरेखा भाऊसाहेब अंधारे व शफिक शिकलकर यांचा समावेश आहे.

शंभर टक्क्यांप्रमाणे वेतनाची मागणी

तुळजापूर : राज्यातील नगरपालिका व महानगरपालिका शिक्षकांना १०० टक्क्यांप्रमाणे वेतन द्यावे, अशी मागणी महाराष्ट्र राज्य नगरपालिका व महानगरपालिका शिक्षक संघाच्या वतीने नगर विकास मंत्री एकनाथ शिंदे यांच्याकडे निवेदनाद्वारे करण्यात आली. यावेळी राज्य उपाध्यक्ष अशोक शेंडगे, जिल्हाध्यक्ष शाम कोळी, मार्गदर्शक शंकर घंटे, जयंत इंदापूरकर, संभाजी पडवळ, विश्वंभर माने, जिल्हा सरचिटणीस उमाकांत देशमुख, जिल्हा कार्याध्यक्ष सुरेश गायकवाड, सल्लागार मनोज भोयटे, संतोष खंगले, मधुकर खिल्लारे, बालाजी कानडे, लहू लोमटे, राजेंद्र धावारे आदी उपस्थित होते.