पूल खचल्याने वाढला अपघाताचा धोका

वाशी तालुक्यातील डोंगरेवाडीपासून अर्धा किमी अंतरावर असलेला पूल गतवर्षी पावसाळ्यात वाहून गेला होता तसेच पुलानजीकचा रस्ताही खचला होता तेव्हापासून हा पूल व दुसरा पूल धोकादायक बनला आहे़ यावर्षी झालेल्या अतिवृष्टीमुळे या पुलासह रस्त्याची मोठी दुरावस्था झाली आहे. या भागातील नागरिकांसह वाहनचालकांनी या पुलाची व रस्त्याची डागडुजी करावी, अशी मागणी वारंवार सार्वजनिक बांधकाम विभागाकडे केली आहे. मात्र, त्यांनी याकडे दुर्लक्ष केल्याचा आरोप होत आहे़

दरम्यान, चालू वर्षात झालेल्या पावसामुळे व वांजरा नदीला आलेल्या पुरामुळे पुलाच्या लगतचा भराव खचून रस्त्यावर खड्डे पडले आहेत़ त्यामुळे या भागातून ये-जा करणाºया वाहनचालकासह नागरिकांना जीव मुठीत घेऊन प्रवास करावा लागत आहे़

कोट.........

कोरोना महामारीमुळे रस्त्यासह इतर कामे देखील बंद होती. मात्र, सध्या रस्त्याच्या व इतर कामास सुरुवात झाली असून, येत्या काही दिवसांत या ठिकाणचा पूल व रस्त्याची दुरूस्ती केली जाणार आहे.

- सतीश वायकर, अभियंता, सा. बां. विभाग