रुग्ण कल्याण समितीची लोहाऱ्यात बैठक

लोहारा : जिल्ह्यातील पहिली रुग्ण कल्याण समिती बैठक जिल्हा शल्यचिकित्सक डॉ. डी. के. पाटील यांच्या अध्यक्षतेखाली लोहारा ग्रामीण रुग्णालयात पार पडली. यावेळी उपविभागीय अधिकारी विठ्ठल उदमले, बालविकास प्रकल्प अधिकारी कांबळे, वैद्यकीय अधीक्षक डॉ. गोविंद साठे, रुग्ण कल्याण समितीचे जिल्हा कार्यक्रम समन्वयक किशोर गवळी, आदी उपस्थित होते. यावेळी जिल्हा शल्यचिकित्सक डॉ. पाटील यांनी विविध आरोग्य योजनेचा आढावा घेत रुग्णांशी संवाद साधला. कोरोना काळात रुग्णालयातील अधिकारी, कर्मचाऱ्यांनी चांगली सेवा दिल्याबद्दल रुग्ण कल्याण समितीच्या वतीने डॉ. गोविंद साठे यांचा सत्कार करण्यात आला.

संदीप देशमुख यांचा सत्कार

(फोटो : संदीप देशमुख ०४)

उस्मानाबाद : येथील रामकृष्ण परमहंस महाविद्यालयातील रसायनशास्त्र विभागातील प्रा. संदीप देशमुख यांना डॉ. बाबासाहेब आंबेडकर मराठवाडा विद्यापीठाने रसायनशास्त्र विषयात पीएच.डी. पदवी प्रदान केली. याबद्दल प्राचार्य डॉ. जयसिंगराव देशमुख, प्राचार्या डॉ. सुलभा देशमुख, प्राचार्य डॉ. कटारी, प्राचार्य डी. एच. पवार यांनी त्यांचा सत्कार केला. प्रा. देशमुख यांनी यशवंतराव चव्हाण मुक्त विद्यापीठाचे संचालक प्रा. डॉ. धनंजय माने यांच्या मार्गदर्शनाखाली ‘सिंथेसिस ॲण्ड स्टडी ऑफ मेटल ॲण्ड नॉन मेटल डोपडं टायटॅनियम डायऑक्साइड नॅनोपार्टीकल्स’ या विषयावर संशोधन प्रबंध विद्यापीठाला सादर केला होता.

वाशी येथे गुणवंतांचा सत्कार

(फोटो : मुकुंद चेडे ०४)

वाशी : येथील छत्रपती शिवाजी विद्यालयात कर्मवीर डॉ. मामासाहेब जगदाळे यांची जयंती साजरी झाली. यावेळी उपस्थितांच्या हस्ते गुणवंत विद्यार्थ्यांचा सत्कार करण्यात आला. अध्यक्षस्थानी शालेय समितीचे उपाध्यक्ष दादासाहेब चेडे, तर प्रमुख पाहुणे पोलीस निरीक्षक उस्मान शेख, माजी नगराध्यक्ष नागनाथ नाईकवाडी, माजी उपनगराध्यक्ष प्रसाद जोशी, भाजपचे सुरेश कवडे, गौतम गायकवाड, नेताजी नलवडे, पर्यवेक्षक बापूसाहेब सावंत, विशाल महामुनी, भास्करराव कवडे, वसंत कवडे, विलासराव देशमुख, ज्ञानेश्वर करडे, अमोल केळे, मुकुंद शिंगणापुरे, आदी उपस्थित होते. शेवटी जयंती निमित्त विद्यार्थ्यांना फळे वाटप करण्यात आली. एस. एस. धारकर, बी. डी. कांबळे, एस. बी. छबिले यांनी सूत्रसंचालन केले. पी. ए. कांबळे यांनी आभार मानले.