Latest Dharashiv News | Dharashiv Marathi News | Latest Dharashiv News in Marathi | धाराशिव: ताज्या मराठी बातम्या

- संतोष वीरभूम ( धाराशिव ) : तालुक्यातील देवळाली येथील गणेश तांबे (३८) हा युवक मंगळवारी ( दि. २३) पुराच्या पाण्यात वाहून गेला होता. चार दिवसानंतर आज तब्बल ३२ किलोमीटर अंतरावर त्याचा मृतदेह आढळून सापडला आहे. तालुक्यात दिनाक २२ सप्टेंबर रोजी रात्रभर पाऊस झाला होता. यामुळे देवळाली भागात पूर आला होता. या पुराच्या पाण्यात गणेश तांबे हा युवक सायंकाळी देवळाली गावातून घराकडे जात असताना वाहून गेला होता. या घटनेनंतर एनडीआरएफ टीमने तत्काळ दोन किलोमीटर परिसरात शोधमोहीम राबवली. मात्र त्याचा काहीच थांगपत्ता लागला नाही. यामुळे ग्रामस्थ व नातेवाईक यांची चिंता वाढली होती.दरम्यान, आज सकाळी असू गावातील शेतकरी समाधान मासाळ हे विहिरीजवळील शेताची पाहणी करण्यासाठी गेले असता त्यांना नदीकाठी एक मृतदेह दिसून आला. त्यांनी तात्काळ गावात माहिती दिली. गावातील एक महिला देवळाली येथील असल्याने तिने ही बाब गणेशचे मामा बाबासाहेब ढगे (चिंच पूर ढगे) यांना कळवली. ढगे यांनी तत्काळ देवळाली येथे माहिती दिली. त्यानंतर तातडीने सरपंच विशाल ढगे व फिरोज खान यांनी गावातील रुग्णवाहिकेसह घटनास्थळी धाव घेतली. मृतदेहाच्या हातातील दोरा, राखी, चेहरा आणि उंचीच्या आधारे ओळख पटवण्यात आली. त्यानंतर गणेश तांबे यांचे पार्थिव देवळाली येथे नेण्यात आले. या घटनेमुळे गावात शोककळा पसरली आहे.जमीनही वाहून गेलीपुराच्या तडाख्यात तांबे कुटुंबाची दोन एकर पैकी एक एकर जमीन वाहून गेली आहे. यात सोयाबीन पीक होते. एकीकडे जमिनीचे अतोनात नुकसान झालेले असताना दुसरीकडे घरातील कर्ता पुरुषही गेल्याने तांबे कुटुंबावर दुःखाचा डोंगर कोसळला आहे.

Dharashiv (Marathi News)

भूम तालुक्यात १२ दिवसांत दुसऱ्या शेतकऱ्याने जीवन संपवल्याने शेतकरी चिंतेत ...

धाराशिव आणि मानवत तालुक्यांतील घटना, कर्जाचाही दोघांवर बोजा ...

'तुटपुंजी मदत म्हणजे जखमेवर मीठ चोळल्यासारखे'; भूम तालुक्यातील पूरग्रस्त शेतकऱ्यांतून तीव्र नाराजी ...

याबाबत रात्री उशिरा तुळजापूर पोलिस ठाण्यात गुन्ह्याची नोंद करण्यात आली आहे. ...

Dharashiv Flood: वडिलांचे अंत्यसंस्कार झाले, अश्रू पुसून धाराशिवचे 'सीईओ' धावले जनतेच्या बांधावर! ...

नवरात्रीची सहावी माळ; मुरली अलंकार महापूजेचे हजारो भाविकांनी घेतले विहंगम दर्शन ...

ठीकठिकाणचे पूल वाहून गेल्यामुळे आजूबाजूच्या अनेक गावांचा एकमेकांशी असलेला संपर्क तुटला आहे. ...

पुरामुळे उद्ध्वस्त झालेल्या भागात विविध पातळीवर होत असलेली मदत ही शेतकरी व ग्रामस्थांसाठी दिलासादायक ठरत आहे. ...