उस्मानाबाद : अंबाजोगाई येथील प्रयोगशाळेचा अहवाल शुक्रवारी सकाळी साडेदहा वाजता प्राप्त झाला असता १३ पॉझिटिव्ह रुग्ण आढळून आले. तर रॅपिड अँटीजेन टेस्टद्वारे तिघांना कोरोनाची बाधा झाल्याचे समोर आले. त्यामुळे बाधितांच्या संख्येत १६ ने भर पडली आहे.
जिल्ह्यात कोरोना बाधितांची संख्या दिवसागणिक वाढू लागली आहे. १६ जुलै रोजी अंबाजोगाई प्रयोगशाळेत १२४ नमुने तपासणीसाठी पाठविले होते. यातील १३ व्यक्तींचा रिपोर्ट पॉझिटिव्ह आला. तसेच अँटीजेन चाचणीतून तिघे बाधित निघाले. त्यामुळे शुक्रवारी बाधितांच्या संख्येत १६ ने भर पडली. यात उस्मानाबाद तालुक्यातील ६, तुळजापूर ०१, उमरगा ०९ जणांचा समावेश आहे. त्यामुळे जिल्ह्यातील कोरोनाग्रस्तांची संख्या ४८६ वर जाऊन ठेपली आहे. तर कोरोनामुळे आजवर २२ जण दगावले आहेत.