झारखंडच्या पश्चिम सिंहभूम जिल्ह्यातून मानवतेला काळीमा फासणारी एक भयंकर घटना समोर आली. एका ३२ वर्षीय महिलेला डाकीण ठरवून जमावाने तिला तिच्या एक वर्षाच्या मुलासह जिवंत जाळले. कुमारडुंगी पोलीस स्टेशन अंतर्गत येणाऱ्या एका गावात मंगळवारी मध्यरात्री हा अंगावर काटा आणणारा प्रकार घडला. शासनाकडून अशा प्रवृत्तींविरुद्ध कठोर कारवाईची मागणी होत आहे.
मिळालेल्या माहितीनुसार, गावातील एका व्यक्तीचा दीर्घ आजाराने मृत्यू झाला. या मृत्युला पीडित महिलाच जबाबदार असल्याचा संशय आरोपींना होता. मंगळवारी रात्री उशिरा सुमारे डझनभर लोकांनी महिलेच्या घरावर हल्ला केला. जमावाने महिलेवर जादूटोण्याचा आरोप करत तिला घेरले. महिलेच्या अंगावर रॉकेल ओतून तिला पेटवून देण्यात आले. दुर्दैवाची गोष्ट म्हणजे, यावेळी तिच्या कडेवर तिचा एक वर्षाचा मुलगा होता. दोघांचाही जागीच होरपळून मृत्यू झाला.
हल्ल्यात पीडितेचा पतीही जखमी झाला आहे, मात्र तो वेळीच तिथून निसटल्याने त्याचा जीव वाचला. त्याने रात्र नातेवाईकाकडे काढल्यानंतर बुधवारी सकाळी पोलीस ठाण्यात धाव घेऊन तक्रार नोंदवली. या घटनेनंतर परिसरात खळबळ माजली असून राज्यातील कायदा-सुव्यवस्थेवर प्रश्नचिन्ह उपस्थित केले जात आहे. जगन्नाथपूरचे उपविभागीय पोलीस अधिकारी राफेल मुर्मू यांनी दिलेल्या माहितीनुसार, मृत महिलेच्या पतीवर सध्या सरकारी रुग्णालयात उपचार सुरू आहेत. याप्रकरणातील चार आरोपींना अटक करण्यात आली असून पोलिसांनी पुढील तपासाला सुरुवात केली आहे.
Web Summary : In Jharkhand, a woman and her one-year-old child were burned alive by a mob accusing her of witchcraft. Her husband escaped and reported the crime. Police have arrested four suspects and are investigating the horrific incident.
Web Summary : झारखंड में एक महिला और उसके एक साल के बच्चे को जादू-टोने के आरोप में भीड़ ने जिंदा जला दिया। महिला के पति ने भागकर पुलिस को सूचना दी। पुलिस ने चार संदिग्धों को गिरफ्तार कर मामले की जांच शुरू कर दी है।