नाराज होऊन माहेरी गेलेल्या पत्नीचा रूसवा दूर करण्यासाठी आपल्या सासरी जाणं चांगलंच महागात पडलं आहे. संतापलेल्या पत्नीने रात्री जवळ झोपलेल्या पतीवर हल्ला केला आणि ब्लेडच्या मदतीने त्याचा प्रायव्हेट पार्ट कापला. हे कृत्य करून महिला फरार झाली आहे.
नवभारत टाइम्सने दिलेल्या वृत्तानुसार, ही खळबळजनक घटना यूपीतील कुशीनगर जिल्ह्याच्या रामपुर चौराहा हरबंश परिसरातील आहे. पीडित तरूणाचं नाव गोविंदा कुमार आहे आणि तो गोपालगंजच्या बाजूला जमसडी गावात राहणारा आहे. प्रायव्हेट पार्ट कापल्याने जखमी झालेल्या पीडित तरूणाला गोपालगंजच्या हॉस्पिटलमध्ये दाखल करण्यात आले असून त्याच्यावर उपचार सुरू आहे. (हे पण वाचा : संतापजनक! "इथे राहायचं असेल तर तुला द्रौपदी होऊन राहावं लागेल"; पतीने दिली धमकी)
आठ महिन्यांआधी झालं होतं लग्न
पीडित गोविंदा कुमार याच्यानुसार, तो जमसडी गावातील राहणारा आहे. आठ महिन्यांआधीच त्याचं लग्न कुशीनगरच्या हरबंशपुर येथील विभा कुमारीसोबत झालं होतं. लग्नाच्या काही दिवसांनंतरच त्याची पत्नी सासरी मिळालेले दागिने घेऊन फरार झाली. नंतर ४० दिवसांनी गोविंदा कुमार त्याच्या पत्नीला समजावून सांगत घरी घेऊन आला. पण ती पुन्हा काही दिवसांनी घर सोडून फरार झाली. नंतर ती कुशीनगरला तिच्या आईकडेच राहत होती.
पत्नीने स्वत: फोन करून बोलवलं
तरूणाने सांगितले की, बुधवारी दुपारी पत्नीने फोन करून मला तिच्या घरी बोलवलं होतं. सोबतच मला येथून सासरी घेऊन जा असंही ती म्हणाली होती. पत्नीला येणार म्हटल्यावर तो आनंदाने तिला घ्यायला गेला. २४ मार्चच्या रात्री पती-पत्नी दोघांनी एकत्र जेवणही केलं. जेवण केल्यावर दोघे एकाच रूममध्ये झोपायलाही गेले. (हे पण वाचा : सासूच्या प्रियकरासोबत सुनेचे अनैतिक संबंध; काटा काढत रचला सुनेच्या आत्महत्येचा बनाव)
पुढे काय झालं?
तरूणानुसार, झोपतेवेळी रात्री त्याच्या पत्नीने त्याचा प्रायव्हेट पार्ट ब्लेडने कापला आणि आपल्या माहेरातून फरार झाली. पीडित तरूणाने घडलेला सर्व प्रकार आपल्या घरी सांगितला. ते सगळेजण कुशीनगरला पोहोचले आणि त्याला स्थानिक हॉस्पिटलमध्ये घेऊन गेले. तिथे प्राथमिक उपचार केल्यावर त्याला गोपालगंज येथील हॉस्पिटलमध्ये दाखल करण्यात आलं. पोलिसांनी पीडित तरूणाचा जबाब घेतला आहे. आता पोलीस आरोपी महिलेचा शोध घेत आहे.