Leena Maria Paul : दुबईमध्ये शिक्षण केल्यानंतर ती भारतात आली. इथे आल्यावर तिने मॉडलिंगच्या विश्वात पाउल ठेवलं. त्यानंतर काही दिवसातच तिने साऊथ इंडियन सिनेमांमध्ये अभिनय सुरू केला. हळूहळू तिला ओळख मिळाली. यादरम्यान तिची ओळख सुकेश चंद्रशेखरसोबत (Sukesh Chandrashekhar) झाली. दोघे जवळ आले. त्यानंतर साऊथची ब्युटी क्वीन म्हणून ओळखली जाणाऱ्या अभिनेत्रीने आपल्या महाठग पतीसोबत मिळून असा काही खेळ खेळला की, अनेक राज्यातील पोलीस बघता बघता दोघांच्या मागे लागले. आम्ही सांगतोय महाठग सुकेश चंद्रशेखरची पत्नी आणि त्याी क्राइम पार्टनर लीना मारिया पॉलबाबत.
देशातील सर्वात मोठा महाठग सुकेस चंद्रशेखरची प्रेयसी आधी त्याची लाइफ पार्टनर बनली आणि नंतर त्याचीी क्राइम पार्टनरही बनली. तिची कहाणी सुद्धा इंटरेस्टींग आहे. साऊथ सिनेमांची ब्युटी क्वीन लीना मारिया पॉल. ग्लॅमरच्या दुनियेतील हुशार हुस्न परी आहे.
टॉलिवूड म्हणजे साऊथ इंडियन सिनेमातून बॉलिवूडमध्ये एन्ट्री घेणारी आणि जॉन अब्राहमचा सिनेमा मद्रास कॅफेमध्ये हिरोईनची भूमिका साकारणारी लीना मारिया पॉलचा सुरूवातीचा प्रवास भलेही आलिशान होता. पण ती आता तिहार तुरूंगात आपल्या गुन्ह्यासाठी शिक्षा भोगत आहे.
लीना मारिया पॉलला पोलिसांनी लेडी नटवरलाल ही उपाधि उगाच दिली नाही. लाइफ पार्टनर आणि क्राइम पार्टनरसोबत मिळून लीनाने मोठमोठे कारनामे केले. दुबईमध्ये नोकरी करणाऱ्या एका इंजिनिअरच्या मुलीची मोठमोठी स्वप्ने आणि कमी काळात सुपरस्टार बनण्याच्या स्वप्नाने तिला तुरूंगात पाठवलं.
२०११ मध्ये दुबईहून लीना मुंबईत मॉडलिंगच्या दुनियेत काम करण्यासाठी आली. इथे तिची भेट सुकेश चंद्रशेखरसोबत झाली. ज्यानंतर आधी प्रेम आणि मग लोकांची फसवणूक करण्याचा मोठा खेळ सुरू झाला. सुकेशने मारियाला मॉडलिंगची काही कामे मिळवून दिली आणि मग आपल्यासोबत चेन्नईला घेऊन गेला. मॉडलिंगमधून सिनेमात येण्याला काहीच दिवस गेले होते. पण लीनाची श्रीमंत होण्याची आणि प्रसिद्धीची हौस यामुळे ती सुकेशच्या ती आणखी जवळ आली.
चेन्नईमध्ये बॉयफ्रेन्डच्या मदतीने लीनाला अनेक सिनेमात मुख्य भूमिका मिळाल्या. बघता बघता ती लोकप्रिय झाली. काही काळाने मारियाला समजलं की, सुकेशच्या सर्व कमाईचा मार्ग फसवणूक हाच आहे. सुकेश स्वत: आयएएस ऑफिसर बनून नवनवीन प्रोजेक्ट पास करण्याच्या नावावर पैसे घेत होता किंवा बॅंकेकडून लोन घेत होता. त्यानंतर पैसे हाती येताच तो गायब व्हायचा. त्यानंतर या कामात त्याने लीनाला आपलं पार्टनर बनवलं.
दोघांनी अनेक वर्ष राजे-महाराजांसारखं जीवन जगले. दोघेही एका महालासारख्या आलिशान बंगल्यात राहत होते. पण सगळं बदलायला वेळ लागत नाही. या दाम्पत्याची वेळही बदलली आणि दोघे तुरूंगात पोहोचले. सोबत प्रेम आणि फसवणुकीची स्क्रीप्ट लिहिणारे सुकेश चंद्रशेखर आणि लीना मारिया पॉल आता तुरूंगाची हवाही सोबतच खात आहेत. आता तर दोघांना एकमेकांना भेटताही येत नाहीये. हेच कारण आहे की, सुकेशने पत्नीला भेटण्यासाठी तुरूंगात उपोषण सुरू केलं आहे. जे तुरूंग व्यवस्थापनाची डोकेदुखी ठरत आहे.