सोलापूर: पहाटेच्या सुमारास एक चोर चालत येऊन सोलापुरातील मरिआई चौकातील बिअर शॉपी, मेडिकल, चहा कॅन्टीनसह चार दुकाने फोडली आणि एका दुकानातील जवळपास पाच हजार चोरले. त्याशिवाय त्याच्या हाती काहीच लागले नाही. ही सर्व घटना तेथील सीसीटीव्हीमध्ये कैद झाली असून चोरी केल्यानंतर तो तरुण रिक्षातून एसटी स्टॅन्डकडे गेला.
सोलापूर-मंगळवेढा रस्त्यालगत मरिआई चौकात शीतपेय विक्री, बिअर शॉपी आणि मेडिकलसह विविध साहित्य विक्रीची दुकाने आहेत. पहाटेच्या सुमारास चोरट्याने तेथील दुकाने कटावणीच्या साह्याने फोडले. त्यावेळी चोराने तेथील दुकानातील ड्रॉव्हर उचकटले आणि सामान अस्ताव्यस्त टाकले. ही घटना सकाळी उघडकीस आली.
दरम्यान, मेडिकल दुकानाच्या सीसीटीव्हीमध्ये अंदाजे ३५ वर्षांचा चोरटा कैद झाला आहे. या घटनेची माहिती पोलिसांना कळताच पोलीस घटनास्थळी दाखल झाले. चोरीचा प्रयत्नानंतर चोरटा रिक्षात बसून एसटी स्टॅन्डच्या दिशेने गेला. इतर सीसीटीव्हीमध्ये समोर आल्याची माहिती पोलिसांनी दिली. दरम्यान, शहरात चोरी तसेच घरफोडीच्या घडू नये यासाठी नागरिकांनी सुरक्षेसाठी आपल्या घरासमोर वैयक्तिक तसेच सार्वजनिक ठिकाणी सीसीटीव्ही कॅमेरे लावावेत असे आवाहन पोलिसांकडून करण्यात आले आहे.