UP Crime News:उत्तर प्रदेशात योगी सरकारच्या काळात गंभीर गुन्हेगारांच्या घराबर बुलडोझर कारवाई करण्यात येते. आता परत एकदा अशाच प्रकारची घटना घडली आहे. तरुणीला नग्न करुन मारहाण करणाऱ्या आरोपींच्या घरांवर बुलडोझर चालवण्यात आला. हमीरपूर जिल्ह्यात सिटी फॉरेस्ट पार्कमध्ये तरुणीचा नग्न व्हिडिओ व्हायरल करणाऱ्या या सात आरोपींवर कारवाई करण्यात आली आहे.
प्रशासनाला सात आरोपींचे अवैध अतिक्रमण आढळून आले, यानंतर हे अवैध अतिक्रमण पाडले. पोलिसांनी दिलेल्या माहितीनुसार, कारागृहात पाठवण्यात आलेल्या सात आरोपींनी अवैध अतिक्रमण केले होते. या सात आरोपींनी सिटी फॉरेस्ट पार्कमध्ये मैत्रिणीसोबत फिरायला गेलेल्या तरुणीला नग्न करून मारहाण केल्याचा व्हिडीओ बनवला होता. हे सातही गुन्हेगार तुरुंगात असून त्यांच्या घरांच्या बेकायदा बांधकामांवर पालिका आणि पोलिसांच्या पथकाने बुलडोझर फिरवला आहे.
पोलिसांनी सांगितले की, 16 ऑगस्ट रोजी हमीरपूरमध्ये ही क्रूर घटना घडली होती, ज्यामध्ये सिटी फॉरेस्ट परिसरातील आरोपींनी तरुणीला नग्न करुन मारहाण केली होती. तसेच, या घटनेचा व्हिडिओही व्हायरल केला होता. यानंतर पोलिसांनी तात्काळ कारवाई करत आरोपींना अटक केले. घटनेतील काहीजण अद्याप फरार आहेत, त्यांचा शोध सुरू आहे.