राजगुरुनगर: शिरोली (ता. खेड ) परिसरातील खापरदरा येथे दोन तरुणांच्या डोक्यात तीक्ष्ण हत्यारांनी वार करून खून करण्यात आल्याची खळबळजनक घटना उघडकीस समोर आली आहे. या घटनेमुळे खेड तालुक्यात खळबळ उडाली आहे. घटनास्थळी पोलिस दाखल झाले आहे.
याबाबत सुत्रांनी दिलेल्या माहितीनुसार, शिरोली खापरदरा येथील हरणटेकडी येथे दोन अनोळखी तरुणांचे मुत्यदेह काटेरी झाडा झुडपांत पडलेले होते या घटनेबाबत आज सकाळी ११.३० वाजण्याच्या सुमारास गुरे चारणाऱ्या गुराख्यांनी गावातील नागरिकांना माहिती दिली, खेड पोलिसांनी माहिती मिळताच घटनास्थळी तात्काळ उपविभागीय पोलिस अधिकारी गजानन टोंम्पे, प्रभारी पोलिस निरिक्षक सतिश गुरुव, सहाय्यक पोलिस निरिक्षक निलेश बडाख, पोलिस हवालदार शंकर भवारी, व कर्मचारी दाखल झाले
दोन्हीही तरुणांच्या डोक्यावर तीक्ष्ण हत्यारांनी वार करून खून करण्यात आला आहे. या खून झालेल्या तरुणांची ओळख पटली नसुन या दोन्ही तरुणांचे अंदाजे वय ३० वर्ष आहे. अशी प्राथमिक माहिती समोर आली आहे.
दोन्ही तरुणांचा खून झाला त्या ठिकाणी दारूची ग्लास आणि गांजा पिण्याची चिलीम सापडली आहे. अगोदर या ठिकाणी त्यांची पार्टी झाली त्यानंतर या तरुणांचा खून करण्यात आला असावा आणि हे खून जवळच्या व्यक्तींनी केल्याचा अंदाज पोलिसांनी व्यक्त केला आहे.
चांडोली येथील ग्रामीण रुग्णालयात दोन्हीही मृतदेह शवविच्छेदनासाठी नेण्यात आले असुन उपविभागीय पोलीस अधिकारी गजानन टोम्पे यांच्या मार्गदर्शनाखाली पोलीस पुढील तपास करीत आहेत.