पातुर (जि. अकोला): अकोला ते वाशिम महामार्गावर पातूरनजीकच्या बोडखा-चिंचखेड येथे अज्ञात वाहनाने दिलेल्या धडकेत दुचाकीस्वार जागीच ठार झाल्याची घटना शुक्रवारी रात्री घडली.
पातूर पोलिस स्टेशन हद्दीत येत असलेल्या ग्राम चिंचखेड-बोडखा येथे रात्री दहाच्या सुमारास अज्ञात वाहनाने एम एच 30 एक्यू 7611 क्रमांकाच्या दुचाकीला धडक दिली. यामध्ये मोहम्मद कलीम मोहम्मद सलीम (रा. साळणी पुरा पातुर) यांचा घटनास्थळावरच मृत्यू झाला.या घटनेची माहिती मिळताच पातुर पोलीस व गावातील काही नागरिक घटनास्थळी पोहोचले. दुले खान युसूफ खान, शेख नईम, अनिक पटेल, मोहम्मद खा रूम खा यांनी मृतकास पातुर पोलीस स्टेशनच्या व्हॅन मध्ये टाकून अकोला येथील सर्वोपचार रुग्णालयात पाठवले. पुढील तपास पातुर पोलीस स्टेशनचे ठाणेदार हरीश गवळी यांच्या मार्गदर्शनाखाली पातुर पोलिस करत आहेत करीत आहे.