लैंगिक शोषणाच्या तक्रारीनंतर २ अल्पवयीन मुली झाल्या बेपत्ता 

Sexual Harassment : रविवारी एका वरिष्ठ अधिकाऱ्याने सांगितले की, बेपत्ता झालेल्या मुलींचा शोध सुरू करण्यात आला आहे.

ठळक मुद्दे निवारा गृहातील (शेल्टर होम)  दोन आदिवासी मुलींनीही लैंगिक छळ व विनयभंगाची तक्रार दिली होती.

रांची: झारखंडच्या पूर्व सिंहभूम जिल्ह्यातील एका निवारा (शेल्टर होम) गृहात लैंगिक छळ केल्याच्या तक्रारी मिळाल्यानंतर शुक्रवारी संध्याकाळी दोन अल्पवयीन मुली बेपत्ता झाल्या, तर मुलांना दुसर्‍या ठिकाणी नेण्यात आले. रविवारी एका वरिष्ठ अधिकाऱ्याने सांगितले की, बेपत्ता झालेल्या मुलींचा शोध सुरू करण्यात आला आहे.निवारा गृहातील (शेल्टर होम)  दोन आदिवासी मुलींनीही लैंगिक छळ व विनयभंगाची तक्रार दिली होती. बेपत्ता झाल्याची बातमी समजताच पोलिसांनी त्याच्याकडे चौकशी केली. मदर टेरेसा वेलफेअर ट्रस्टच्या (एमटीडब्ल्यूटी) आश्रय गृहातील दोन अल्पवयीन आदिवासी मुलींनी चार वर्षांपासून लैंगिक छळ आणि विनयभंग केल्याची तक्रार दिल्यानंतर चाळीस मुलांना जमशेदपूर येथील गोबरगोसी येथील बालकल्याण आश्रमात नेण्यात आले. दोन मुली सोडल्या तर बाकी सर्व अल्पवयीन आहेत.एमटीडब्ल्यूटी स्थानिक स्वयंसेवी संस्था चालविते, ज्याचा सेंट टेरेसा यांनी स्थापन केलेली संस्था सिस्टर्स ऑफ चॅरिटीशी कोणताही संबंध नाही. पूर्व सिंहभूम वरिष्ठ पोलिस अधीक्षक (एसएसपी) डॉ. एम. तमिळ वानन म्हणाले, “बाल कल्याण समितीला असे आढळले की, ज्या नवीन निवारा गृहात आता मुलं  हलविण्यात आली आहेत तेथे फक्त ३८ मुले आहेत. सुमारे १७ वर्षाच्या म्हणजेच अल्पवयीन दोन मुली बेपत्ता आहेत. आम्ही त्यांचा शोध घेण्याचा प्रयत्न करीत आहोत.