पणजी : क्राइम ब्रँचच्या अधिकाऱ्यांनी कळंगुट येथे धाड घालून टोनी जुआंव फर्नांडिस याच्याकडून ६८ ग्रॅम चरस जप्त केला. आंतरराष्ट्रीय बाजारपेठेत त्याची किंमत सुमारे ९0 हजार रुपये आहे. अलीकडेच हणजुण येथे झालेल्या रेव्ह पार्टीला त्याने ड्रग्स पुरविले असल्याचा पोलिसांचा संशय असून त्या दिशेने तपासकाम चालू आहे.
पोलिस निरीक्षक राहुल परब व पथकाने ही कारवाई केली. टोनी याच्याकडून जप्त करण्यात आलेला चरस उच्च प्रतीचा आहे. बॉलिवूड अभिनेता कपिल झवेरी याने हणजुण येथे त्याच्या बंगल्यात आयोजित केलेल्या रेव्ह पार्टीसाठी ड्रग्स पुरविण्यात टोनी याचाच हात असल्याचा दाट संशय आहे. या पार्टीत ९ लाख रुपये किंमतीचे अंमली पदार्थ जप्त करण्यात आले होते.
हणजुण रेव्ह पार्टीचे हे प्रकरण बरेज गाजले होते. बॉलिवूड अभिनेता सुशांतसिंग राजपूत याच्या मृत्युचे धागेदोरेही या रेव्ह पार्टीशी जोडले जात होते. या रेव्ह पार्टी प्रकरणी अटकेतील कपिल झवेरी, सनबर्नचा प्रोमोटर शैलेश शेट्टी हे सध्या जामिनावर बाहेर आहेत.
अन्य महत्वाच्या बातम्या...
खळबळजनक! भाजपा पदाधिकाऱ्याच्या मुलाची चाकूने वार करून हत्या, हल्लेखोर फरार
सुशांतच्या चॅटमधून मोठा खुलासा, बहिणीने एंजाइटी-डिप्रेशनचे औषध घेण्यासाठी दिला होता सल्ला
Sushant Singh Rajput Case : रियाला शवगृहात जाण्यासाठी परवानगी दिलीच नव्हती, कूपर रुग्णालयाचा खुलासा