मुंबई - बॉलिवूड अभिनेता टायगर श्रॉफ (Tiger Shroff ) आणि अभिनेत्री दिशा पटानी (Disha Patani ) अनेकदा एकत्र दिसून येत असतात. दोघांचाही फॅन फॉलोइंग मोठा असून, हे दोघेही डिनर डेट्स, ड्राइव्ह आणि पार्टीमध्ये एकत्र अशतात. दरम्यान, काल मुंबईतील बँडस्टँड परिसरात एकत्र फिरणे टायगर आणि दिशाला महागात पडले आहे. कारमधून बँडस्टँडवर फिरत असताना मुंबई पोलिसांनी त्यांना रोखले. त्यामुळे पोलिसांची ही कारवाई चर्चेचा विषय ठरली आहे. (Tiger Shroff and Disha Patani were walking on the bandstand during the Corona curfew, Action taken by Mumbai Police)ई-टाइम्सने दिलेल्या वृत्तानुसार मंगळवारी संध्याकाळी दिशा पटानी आणि टायगर श्रॉफ हे जिममधून परतत होते. त्याचदरम्यान दोघेही फिरण्यासाठी मुंबईतील वांद्रे परिसरात असलेल्या बँडस्टँड येते पोहोचले. येथे ते कारमधून दुसरी फेरी मारत असतानाच पोलिसांनी अचानक त्यांना रोखले. यावेळी टायगर श्रॉफ मागच्या बाजूला तर दिशा पुढे बसली होती. त्यानंतर पोलिसांनी दोघांचेही आधारकार्ड तपासले. तसेच अन्य औपचारिकता पूर्ण केल्यानंतर त्यांना सोडून दिले. कोरोना विषाणूचा फैलाव रोखण्यासाठी लागू करण्यात आलेल्या संचारबंदीमुळे टायगर श्रॉफ आणि दिशा पटाणीवर ही कारवाई केली गेली.
टायगर श्रॉफ आमि दिशा पटानी यांनी बागी-२ आणि बागी-३ या चित्रपटांमध्ये एकत्र काम केले आहे. त्याशिवाय एका म्युझिक व्हिडीओमध्येही ते एकत्र दिसले आहेत. तसेच हल्लीच ओटीटीवर प्रदर्शित झालेल्या सलमान खानच्या राधे या चित्रपटामध्येही दिशा दिसली होती.
टायगर श्रॉफ आणि दिशा पटानी दीर्घकाळापासून एकत्र आहेत, पण ते त्यांच्यातील नात्याबाबत भाष्य करणे टाळतात. दरम्यान, यावर्षी मार्च महिन्यात टायगर श्रॉफच्या वाढदिवसाच्या पार्टीमध्ये दिशा टायगरच्या कुटुंबीयांसमवेत सहभागी झाली होती.