वसई - वसईच्या माणिकपूर पोलीस ठाण्याच्या परिसरात एका पोलिसाच्या घरी चोरट्यांनी डल्ला मारला मारत काल रात्री चोरट्यांनी हात साफ केला आहे. वसईच्या रेल्वे कॉलनीत ही चोरीची घटना घडली आहे. राजेश यादव याच्या घरी ही चोरी झाली असून यादव हे वसई रेल्वेच्या आरपीएफ विभागात हेड कॉन्स्टेबल म्हणून काम करत आहेत.
यादव यांचं कुटुंब लग्न समारंभासाठी २७ नोव्हेंबरपासून गावी गेले होते. रविवारी रात्री चोरट्यांनी दरवाजाचं कुलूप तोडून घरात प्रवेश केला आणि कपाटातील सोन्या-चांदीचे दागिने तसंच २० हजारांची रोकड घेऊन पसार झाले. सकाळी आजूबाजूच्या नागरिकांना चोरी झाल्याचं समजल्यावर यादव यांना ही माहिती मिळाली. याबाबत माणिकपूर पोलीस ठाण्यात तक्रार करण्यात आली आहे. मात्र, जर जनतेची सुरक्षा करणारे पोलीसच जर सुरक्षित नसतील तर सर्वसामान्यांची घर कशी सुरक्षित राहणार असा प्रश्न उपस्थित झाला आहे.