Goldy Brar on Sidhu Moose Wala: पंजाबी हिप-हॉप स्टार सिद्धू मुसेवालाची दोघांनी गोळ्या घालून हत्या केली होती. ही हत्या इतकी भयंकर होती की, तिने देशभरात खळबळ माजली होती. सिद्धू मुसेवालाच्या हत्येची जबाबदारी गँगस्टर गोल्डी ब्रारने घेतली होती. त्याने तशी पोस्ट फेसबुकवर टाकली होती. पण, तीन वर्ष लोटली तरी गोल्डी ब्रार ठिकाणा सापडलेला नाही. अशातच बीबीसीने गोल्डी ब्रारशी संपर्क करत या प्रकरणावर त्याची भूमिका जाणून घेतली. गोल्डी ब्रारने सिद्धू मुसेवालाबद्दल बोलताना त्याला मारण्याशिवाय आमच्याकडे दुसरा पर्याय नव्हता असे सांगितले.
'लोकमत'चं WhatsApp चॅनल फॉलो करा!
बीबीसीने यासंदर्भात एक रिपोर्ट दिला आहे. बीबीसीने गोल्डी ब्रारशी संपर्क झाल्यानंतर त्याला प्रश्न विचारला की, सिद्धू मुसेवालाची हत्या कशी आणि का केली?
गोल्डी ब्रारने सांगितले सिद्धू मुसेवालाच्या हत्येचे कारण
गोल्डी ब्रार म्हणाला, "त्याला अंहकार झाला होता. गर्वाच्या भरात त्याने अशा काही चुका केल्या की, त्या माफ केल्या जाऊ शकत नव्हत्या."
वाचा >>राजा रघुवंशीच्या घरी गेला आरोपी सोनमचा भाऊ, म्हणाला- माझ्या बहिणीला फाशी द्या
"त्याची हत्या करण्याशिवाय आमच्याकडे दुसरा कोणताही पर्याय नव्हता. त्याला त्यांच्या कर्माचे फळ भोगावेच लागणार होते. एकतर तो राहिला असता नाहीतर आम्ही. ही इतकी सरळ गोष्ट आहे", असे गोल्डी ब्रार म्हणाला.
बिश्नोई सिद्धूला पाठवायचा मेसेज
ब्रारने सांगितले की, "लॉरेन्स (बिश्नोई) सिद्धू मुसेवालाच्या संपर्कात होता. मला माहिती नाही की, त्यांची ओळख कुणी करून दिली होती. मी कधी विचारलंही नाही. पण, ते एकमेकांशी बोलायचे. लॉरेन्सला खुश ठेवण्यासाठी सिद्धू गुड मॉर्निंग आणि गुड नाईट असे मेसेज पाठवायचा."
पहिला वाद कधी झाला होता?
ब्रार सिद्धू मुसेवालासोबतच्या वादाबद्दलही सांगितले. तो म्हणाला, "पहिला वाद मुसेवाला भारतात आल्यानंतर झाला होता. त्याची सुरुवात पंजाबमधील एका गावात झालेल्या कबड्डीच्या सामन्यात झाली होती. मुसेवालाने या कबड्डी स्पर्धेचा प्रचार केला होता. ही स्पर्धा बिश्नोई विरोधी बंबीहा गँगने आयोजित केलेली होती."
"हा तोच गाव आहे, जिथे आमचे सगळे विरोधक आहे. तो आमच्या विरोधकांना ताकद देत होता. त्यामुळे लॉरेन्स आणि इतर लोक त्यांच्यावर नाराज झाले. त्यांनी सिद्धूला धमकी दिली होती की तुला आम्ही सोडणार नाही. २०२१ मध्ये मोहालीत एका पार्किंगमध्ये गँगच्या लोकांनी विक्की मिद्दूखेडाची हत्या केली होती. तेव्हापासून बिश्नोईचे सिद्धू मुसेवालासोबत वैर वाढले होते", असेही गोल्डी ब्रारने सांगितले.
सिद्धू मुसेवाल्याबद्दल सगळ्यांना माहिती होतं
ब्रार म्हणाला की, "मी पुरावे तर देऊ शकत नाही. पण, मला पूर्ण खात्री आहे की, मिद्दुखेडाच्या हत्येमध्ये सिद्धू मुसेवालाचाही हात होता. सिद्धूची भूमिका सगळ्यांना माहिती होती. तपास करणारे पोलीस, पत्रकार यांना त्याच्याबद्दल माहिती आहे. सिद्धू राजकारणी आणि सत्तेतील लोकांशी मिळलेला होता. तो राजकीय ताकद आणि इतर शक्तींचा वापर आमच्याविरोधी गटाला मदत करण्यासाठी करत होता."
"आमची इच्छा होती की, सिद्धू मुसेवालाला त्याने जे केले त्याची शिक्षा मिळावी. त्याच्यावर खटला भरला जावा. त्याला तुरुंगात पाठवावे. पण, कुणीच आमचे ऐकले नाही. त्यामुळे आम्ही याची जबाबदारी स्वतःवर घेतली. जेव्हा बधिर कानांना सौजन्याने सांगितली गोष्ट ऐकायला येत नाही, तेव्हा गोळीचाच आवाज ऐकू जातो", असे गोल्डी ब्रार म्हणाला.
मला कसलाही पश्चाताप नाही
गोल्डी ब्रार म्हणाला, "कायदा. न्याय. यासारख्या कोणत्याही गोष्टी नाहीत. फक्त शक्तिशाली लोकच न्याय मिळवू शकतात. आमच्यासारखे सामान्य माणसं नाही. विक्की मिद्दूखेडाचा भाऊ राजकारणात होता. पण, त्याला न्यायासाठी संघर्ष करावा लागला. मी जे केले आहे, ते मी माझ्या भावासाठीही केले असते. मला याचा कसलाही पश्चाताप नाहीये", असे गोल्डी म्हणाला.