मुंबई - बॉलीवूडमधील प्रसिद्ध फिल्म प्रॉडक्शन कंपनी यश राज फिल्म्सने सुशांत सिंग रजपूतसोबत केलेल्या कॉन्ट्रॅक्टची प्रत पोलिसांना सोपवली आहे. याप्रकरणी शनिवारी सुशांतसोबत काम करणाऱ्या व्यवस्थापकीय कर्मचाऱ्यांचे जबाब पोलिसांनी नोंदवले आहेत. तसेच १० तास सुशांतची जवळची मैत्रीण अंकिता लोखंडे हिची १० तास वांद्रे पोलीस ठाण्यात चौकशी करण्यात आली. याप्रकरणी पोलिसांनी गुरूवारी याप्रकरणी रिया चक्रवर्तीसोबत पब्लिक रिलेशन मॅनेजर आणि सुशांतचा व्यावसायिक मॅनेजर यांचा जबाब नोंदवला. या दोघांच्याही जबाबात काही विशेष माहिती मिळाली नसल्याचे पोलिसांनी सांगितले. दरम्यान, रियाकडून सुशांतबद्दल सविस्तर माहिती घेण्य्ाात आली आहे. पोलिसांनी सुशांतचे वडील आणि दोन बहिणी, कास्टिंग दिग्दर्शक मुकेश छाब्रा, नोकर अशा 15 जणांचा जबाब नोंदवला आहे.
काही दिवसांपूर्वी पोलिसांनी य़श राज फिल्म्सला सुशांतसोबतचे साइन केलेले कॉन्ट्रॅक्ट सादर करण्यास सांगितले होते. त्यानुसार त्या कॉन्ट्रॅक्टची प्रत शनिवारी तपास अधिकाऱ्यांकडे स्वाधीन करण्यात आली आहे. त्याची तपासणी सुरू आहे. पोलिसांना गरज भासल्यास या संबंधीत व्यक्तींचीही चौकशी केली जाणार आहे. सुशांत सिंग हा बॉलिवूडमधील गटबाजी बळी असल्याचा आरोप नुकताच अनेक कलाकारांनी सोशल मीडियाच्या माध्यमातून केला होता.
यश राज फिल्म्सकडून मागवून घेतलेल्या कॉन्ट्रॅक्टच प्रत या तपासाच्या दृष्टीने पोलिसांनी उचललेले हे महत्वाचे पाऊल आहे. याप्रकरणी पोलिसांनी पाच डायऱ्या देखील हस्तगत केल्या असून त्यांची तपासणी सुरू असल्याचे सूत्रांनी सांगितले. शुक्रवार, शनिवारीही याप्रकरणी व्यवस्थापकीय कर्मचाऱ्यांकडून सुशांतबाबत चौकशी करण्यात आली. या आत्महत्येप्रकरणी आता बॉलिवूडमधील दोन मोठ्या अभिनेत्यासह एका अभिनेत्रीचा जाब नोंदवण्यात येणार आहे. मुंबई पोलिसांकडून या प्रकरणातील चौकशीसाठी 3 विशेष पथके तयार करण्यात आली आहेत. अभिनेत्री कंगनामागोमाग गायक सोनू निगम यानेही एक खळबळजनक दावा केला आहे. फिल्म इंडस्ट्रीमधील एका बड्या कंपनीमुळे अनेक गायक आत्महत्येचा पर्याय स्वीकारू शकतात, असे सोनू निगमने म्हटले आहे.
अन्य महत्वाच्या बातम्या...
पतीच अब्रूशी खेळला! पत्नीला फसवून निर्जनस्थळी नेले अन् घडवून आणली लज्जास्पद घटना
Unlock1 : पत्नीने वेळ साधली! पती क्वारंटाईन होताच प्रियकरासोबत 'छू मंतर' झाली
रक्षक बनले भक्षक! गुंगीचे औषध देऊन पोलिसाने केला अल्पवयीन मुलीवर केला बलात्कार
बँकेला चुना लावणाऱ्यांविरोधात CBIनं दाखल केला गुन्हा; मुंबईतील २ खासगी कंपन्यांचाही समावेश
एकटीच टीव्ही बघत होती चिमुकली, संधीचा फायदा घेत नराधमाने घरात घुसून केले शोषण
सोशल मीडियाच्या माध्यमातून जिहादसाठी भडकवत होता लोकांना, युपी एटीएसने केली अटक
बेपत्ता ७० वर्षाच्या वृध्दाचा मृतदेह आढळला, लोखंडी तारेने गळा आवळून हत्या
प्रेयसीला सोबत घेऊन कॅशियरनेच लावला बँकेला चूना; 'इतकं' किलो सोनं लंपास