Sonam Raghuwanshi News: मेघालयातील हनिमून प्रकरण देशभरात चर्चिले जात आहे. सोनम रघुवंशीने लग्नाच्या काही दिवसानंतरच पती राजा रघुवंशीची मेघालयात नेऊन क्रूरपणे हत्या केली. राजा रघुवंशीची हत्या होण्यापूर्वी ते दोघे कामाख्या देवीच्या दर्शनालाही गेले होते. त्याचा फोटो आता समोर आला आहे.
'लोकमत'चं WhatsApp चॅनल फॉलो करा!
लग्नानंतर सोनम रघुवंशी पती राजा रघुवंशीसोबत कामाख्या देवीच्या दर्शनासाठी गेली होती. मेघालय पोलीस या प्रकरणाचा तपास करत असून, काही गोष्टी समोर आल्या आहेत.
सोनम म्हणाली, कामाख्या देवीला नवस केलाय
तपासातून जी माहिती समोर आली आहे, त्यातून सोनम आणि राजा रघुवंशी कामाख्या देवीच्या दर्शनाचे कनेक्शन समोर आले आहे. लग्नानंतर सोनमने राजाला जवळही येऊ दिले नाही.
सोनम राजाला म्हणाली की, तिने कामाख्या देवीला नवस केलेला आहे. देवीचे दर्शन केल्यानंतरच आपल्यात शरीरसंबंध होतील. हेच कारण पुढे करून सोनम राजाला कामाख्या देवीच्या दर्शनासाठी गुवहाटीला घेऊन गेली होती.
वाचा >>हनिमूनलाच केली नवऱ्याची हत्या; सोनम-राजा रघुवंशीसारखीच अंगावर काटा आणणारी घटना
पोलिसांकडून जी माहिती दिली गेली आहे, त्यात म्हटलं आहे की, प्राथमिक तपासानुसार, सोनम आणि राज कुशवाह यांचे प्रेमसंबंध आहेत. दोघांनी मिळून गुवहाटी आणि मेघालयचा प्लॅन तयार केल्याचे दिसत आहे. दरम्यान, राजा रघुवंशीचा कामाख्या देवीच्या मंदिरातील एक फोटो समोर आला आहे. हे राजाचे कामाख्या देवीचे शेवटचे दर्शन ठरले.
आकाश, आनंद आणि विशाल
प्राथमिक तपासातून जी माहिती समोर आली आहे, त्यात असे आढळून आले आहे की, सोनमने राजाची हत्या करण्यासाठी सुपारी दिली होती. आकाश, विशाल आणि आनंद असे पोलिसांनी या प्रकरणात अटक केलेल्या तिघांची नावे आहेत.
१९ मे रोजी गुवाहाटीतील आनंद लॉजमध्ये हे तिघे थांबले होते. आम्ही विद्यार्थी आहोत, असे त्यांनी सांगितले होते आणि ओळखपत्रही जमा केले होते. तिघेही इंदौरवरून आले होते आणि २० मे रोजी सकाळी न सांगताच निघून गेले होते. आता या लॉजच्या मॅनेजरकडून पोलीस अधिकची माहिती घेत आहेत.