राजा रघुवंशी हत्या प्रकरणात पत्नी सोनम आणि तिचा बॉयफ्रेंड राजने पोलिसांसमोर आपला गुन्हा कबूल केला आहे. सोनमच्या भावाने राजाच्या घरी जाऊन त्याची आई आणि कुटुंबीयांची भेट घेतल्यानंतर माफीही मागितली आहे. दुसरीकडे राज कुशवाहची आई चुन्नी देवी अजूनही आपला मुलगा निर्दोष असल्याचं म्हणत आहे. आपल्या मुलाला अडकवण्यात आल्याचं सांगितलं.
चुन्नी देवी यांनी मुलगा राजच्या बचावात युक्तिवाद करताना म्हटलं की, "माझा मुलगा मेहनती होता, त्याने मेहनतीने पैसे कमविण्यावर लक्ष केंद्रित केलं होतं. सोनमने त्याची दिशाभूल केली असेल. राज हे अस काही करू शकत नाही, तो कोणालाही मारू शकत नाही. सोनम राजपेक्षा मोठी होती, ती राजची बॉस होती, राज फक्त तिथे एक नोकर होता. राजने सोनम जे काही म्हणेल ते केलं असावं."
"मी कोणाशीही लग्न केलं तरी मी तुझीच गर्लफ्रेंड...", सोनमसमोर स्टेजवर ढसाढसा रडला राज
"माझे पती नाहीत आणि मला कोणाचाही आधार नाही. मी भाड्याच्या घरात राहते. मला दोन मुली आहेत. २०२० मध्ये राज दहावीत शिकत असताना पतीचं निधन झालं. राजने घर चालवण्यासाठी वर्तमानपत्रे वाटायला सुरुवात केली. कम्पूटर येत असेल तर नोकरी कर असं काही लोकांनी त्याला सांगितल्यावर तो एका फर्ममध्ये काम करू लागला."
सोनम रघुवंशी आणि राज कुशवाहचा नवा फोटो आला समोर; सर्व गुपितं झाली उघड
राजाच्या हत्येचा प्लॅन अयशस्वी झाला असता तर काय करणार होती सोनम? बॅकअप प्लॅन तयार
"राजने कधीही घरात सोनमच्या लग्नाबद्दल काहीही चर्चा केली नाही. राजासोबत जे घडलं ते चुकीचं आहे. तोही कोणाचा तरी मुलगा होता. मला असं वाटतं की राजाच्या कुटुंबाला न्याय मिळावा. माझ्या मुलाची दिशाभूल करण्यात आली असण्याची शक्यता आहे. जर तो निर्दोष असेल तर त्याला न्याय मिळाला पाहिजे" असं चुन्नी देवी यांनी म्हटलं आहे.
"सोनमकडे २ फोन होते, सतत चॅटिंगमध्ये बिझी असायची"; राजाच्या वहिनीचा धक्कादायक खुलासा
राजा रघुवंशी हत्या प्रकरणात राजाच्या भावाची बायको किरण रघुवंशी हिने माध्यमांशी बोलताना सोनम रघुवंशीला कठोर शिक्षा देण्याची मागणी केली. भावुक होत किरण म्हणाली की, "आम्ही आमच्या राजाला गमावलं आहे , आम्हाला आता कोणाचीही माफी नको आहे, आम्हाला न्याय हवा आहे. जर सोनम दोषी असेल तर तिला फाशी द्यावी." किरण रघुवंशीने सोनमकडे दोन फोन असल्याचं सांगितलं आहे.