ठळक मुद्देवाकोला पोलीस ठाण्याच्या वरिष्ठ पोलीस निरीक्षक सूनयना नटे यांनी या वृत्ताला दुजोरा दिला असून पोलिसांनी मृतदेह शवविच्छेदनासाठी पाठविला आहे.
मुंबई: वाकोला पोलिसांच्या हद्दीत स्टाफ क्वॉटर्समध्ये निखिल शंकर मोरे नामक पोलीस कॉन्स्टेबलचा गळफास घेतलेला कुजलेल्या अवस्थेतील मृतदेह सापडला आहे. मृत आणि त्यांची पत्नी हे लोकल आर्म्स विभागात कार्यरत असून या जोडप्याला पाच महिन्यांचा मुलगा आहे. हा प्रकार मंगळवारी दुपारी बाराच्या सुमारास उघडकीस आला. वाकोला पोलीस ठाण्याच्या वरिष्ठ पोलीस निरीक्षक सूनयना नटे यांनी या वृत्ताला दुजोरा दिला असून पोलिसांनी मृतदेह शवविच्छेदनासाठी पाठविला आहे. पोलीस अधिक तपास करत आहे.