राजस्थानमध्ये सतत कायदा आणि सुव्यवस्थेबाबत प्रश्न उपस्थित केले जात आहेत. अशीच एक घटना समोर आली आहे. एक व्हिडीओ काही दिवसांपासून सोशल मीडियावर व्हायरल झाला आहे. ज्यात एका तरूणाला लोखंडी रॉडने मारहाण केली जात आहे. सोबतच त्याला लघवीही पिण्यास भाग पाडलं आहे. असे सांगितले जात आहे की, तरूण आपल्या गर्लफ्रेन्डला भेटायला गेला होता. ज्यामुळे मुलीच्या घरातील लोक भडकले आणि त्यांनी त्याला बेदम मारहाण केली.
हा व्हिडीओ साधारण १५ दिवस जुना असल्याचे सांगितले जात आहे. व्हिडीओ व्हायरल झाल्यानंतर पोलिसांनी पीडित तरूणाला बोलवून तक्रार दाखल करून घेतली. याप्रकरणी पीडित तरूणाने एकूण चार लोकांवर गंभीर आरोप लावले. या केसमध्ये पीडित व्यक्तीवर कुणाच्यातरी घरात घुसण्याचा आरोप आहे. असे सांगितले जात आहे की, ही घटना ८ मार्चची आहे. तरूण गर्लफ्रेन्डला भेटण्यासाठी कोशलू गावात गेला होता. त्याला बघून मुलीच्या घरच्यांनी त्याला मारहाण केली. (हे पण वाचा : तिच्यासाठी 'त्याने' चक्क कापल्या हाताच्या नसा! तरुणाची विवाहित महिलेवर जबरदस्ती)
पोलीस अधिकाऱ्यांनी सांगितले की, गेल्या दोन-तीन दिवसांपासून सोशल मीडियावर एक व्हिडीओ व्हायरल झाला होता. ज्यात एका तरूणाला मारहाण केली जात होती. सोबतच काही प्यायलाही दिलं होतं. तपासातून समोर आलं की, तरूण ड्रायव्हर म्हणून काम करतो. (हे पण वाचा : विवाहित शिक्षिकेचा विनयभंग; गाडी भाड्याने करणे पडले महागात)
पोलिसांनी पीडित तरूणाच्या वडिलांना संपर्क केला. त्यानंतर पीडित तरूणाच्या वडिलांनी दोन आरोपींबाबत सांगितलं. दोन्ही आरोपींनी आधी त्यांच्या मुलाला बेदम मारहाण केली आणि त्यानंतर त्याला लघवी पिण्यास भाग पाडलं. सोबतच हे कुणाला सांगितलं तर वाईट होईल अशी धमकीही त्याला दिली. त्यामुळे त्यांनी तक्रार दिली नव्हती.
आता याप्रकरणी एफआयआर दाखल करण्यात आली आहे. सोबतच आरोपींना पकडण्यासाठी टीम नेमल्या आहेत. पोलीस पुढील चौकशी करत आहे. जे यात दोषी आढळतील त्यांच्यांवर कठोर कारवाई केली जाणार असल्याचे अधिकारी म्हणाले.