इंदूरच्या राजा रघुवंशी हत्या प्रकरणात अटक केलेल्या चार आरोपींनी पोलीस चौकशीदरम्यान धक्कादायक खुलासे केले आहेत. पोलिसांनी दिलेल्या माहितीनुसार, राजाची पत्नी सोनम रघुवंशी ही या हत्येची मास्टरमाईंड होती. सोनमने तिच्या पतीची हत्या करण्यासाठी एक नाही तर दोन प्लॅन केले होते. जर राजाच्या हत्येचा कट अयशस्वी झाला असता तर बॅकअप प्लॅन तयार केला.
सेल्फी काढण्याच्या बहाण्याने राजाला दरीत ढकलून मारण्याचा बॅकअप प्लॅन होता. चौकशीदरम्यान चारही आरोपींनी राजा रघुवंशीची हत्या केल्याची कबुली दिली आहे. त्यांनी सांगितले की हत्येनंतर राजाचा मृतदेह शिलाँगमधील दरीत फेकण्यात आला होता. चारही आरोपींची दोन दिवसांपासून चौकशी सुरू होती. आता मेघालय पोलीस त्यांच्यासोबत दिल्लीला रवाना झाले आहेत. नंतर पुढील कारवाई केली जाईल.
सोनमचा बॉयफ्रेंड राज कुशवाह तिला म्हणायचा 'दीदी'; कोणी केला धक्कादायक दावा?
"माझ्या मुलाला न्याय हवाय, सोनमच्या खात्यात २० लाख..."; राजाच्या आईने केली सुनेची पोलखोल
या प्रकरणात शिलाँग पोलिसांचं पथक राजाची पत्नी सोनमची सतत चौकशी करत आहे. सर्वात मोठा प्रश्न म्हणजे हत्येनंतर सोनम इंदूरला आली होती का? यावर इंदूरचे एसीपी पूनमचंद यादव म्हणाले की, जर शिलाँग पोलिसांकडून असे कोणतेही इनपुट मिळाले तर त्यावर त्वरित कारवाई केली जाईल. सध्या तरी अशी कोणतीही पुष्टी झालेली नाही. सोनम रघुवंशी आणि राज कुशवाह यांनी राजाच्या हत्येनंतर अत्यंत हुशारीने पुढचं प्लॅनिंग केलं होतं. पण पोलिसांनी दोघांचाही प्लॅन अगदी सहजपणे उधळून लावला.
नेपाळला पळून जाण्याचा होता सोनमचा प्लॅन?, कोणीही ओळखू नये म्हणून 'अशी' लढवली शक्कल
"राजचं नाव ऐकलं अन्..."; पोलिसांच्या एका ट्रिकने फेल झाला सोनमचा 'तो' प्लॅन
पोलिसांनी अशी ट्रिक वापरून पाहिली की सोनमने सर्वच खरं सांगितलं. सोनमला अटक करण्याआधी कॉल डिटेल्सच्या आधारे ८ जून रोजी रात्री ११ ते १२ च्या दरम्यान शिलाँग पोलिसांनी राज कुशवाहाला अटक केली. सोनमला पकडल्यानंतर दोघांचंही गाझीपूरमध्ये व्हिडीओ कॉलद्वारे बोलणं करून दिलं. सोनमला सांगण्यात आलं की, राज कुशवाह याने आम्हाला सर्व काही सांगितलं आहे, आता तू सर्व सांगून टाक. यानंतर सोनमने संपूर्ण सत्य सांगितलं.