मीरारोड - मीरारोडच्या ऐश्वर्या ऑर्केस्ट्रा बारच्या आड बेकायदा अश्लील नाच चालत असल्याचे पोलिसांच्याधाडीत उघडकीस आले आहे. या प्रकरणी मीरारोड पोलीस ठाण्यात बारचा चालक , मालक , व्यवस्थापक , रोखपाल व वेटर विरुद्ध गुन्हा दाखल करण्यात आला आहे.
गुन्हे शाखेचे पोलीस उपायुक्त डॉ . महेश पाटील यांना मिळालेल्या माहितीच्या अनुषंगाने अनैतिक मानवी वाहतुक प्रतिबंध शाखेचे वरिष्ठ पोलीस निरीक्षक संपतराव पाटील यांनी माहितीची सत्यता पडताळुन त्यांनी पोलीस निरीक्षक सचिन कोतमिरे, सहाय्यक पोलीस निरीक्षक तेजश्री शिंदे व नितीन जगताप सह केशव शिंदे, तांबडे, महाकुलकर, काटे यांचे पथक घेऊन ऐश्वर्या ऑर्केस्ट्रा बार वर सोमवारी रात्री छापा टाकला.
बारमध्ये गाण्याच्या व वाद्याच्या तालावरती वेटरच्या नावाखाली बारबाला अश्लिल नृत्य करीत होत्या . बारचे चालक, मालक, व्यवस्थापक, रोखपाल व वेटर हे बारबालांना अश्लिल नृत्य करण्यास भाग पाडुन प्रोत्साहित करत होते . या प्रकरणाने शहरातील ऑर्केस्ट्रा बारच्या आड बेकायदेशीरपणे अश्लील नाच चालत असल्याचे पुन्हा समोर आले आहे.