राजगुरुनगर : आमच्या कोंबडा तुमच्या दारात आला आहे काय? असेल तर परत द्या असे सारखे विचारले असता तुम्ही आमच्या अंगणात सारख्या फेऱ्या का मारता म्हणून अश्लील शिवीगाळ केल्याप्रकरणी औढे (ता. खेड ) येथे दोन कुटुंबात हाणामारी झाल्याची घटना घडली आहे याबाबत परपस्पर विरोधात खेडपोलिस ठाण्यात फिर्यादी दाखल झाल्या आहेत.
याबाबत खेड पोलिसांनी माहितीनुसार, वनिता दत्तात्रय शिंदे (वय४० ) (रा. औढे ता. खेड ) यांनी फिर्याद दिली आहे की, (दि. १२ ) रोजी रात्री ८ वाजण्याच्या सुमारास फिर्यादीच्या घरासमोर राहत असणाऱ्या मनिषा पाटीलबुवा शिंदे या घराबाहेर आवारात फिरत होत्या. दरम्यान फिर्यादी यांचा मुलगा गणेश यांने त्यांना विचारणा केली तुम्ही का सारखे सारखे आमच्या दारात येता त्यावेळी मनिषा शिंदे यांनी सांगितले आमच्या कोंबडा तुमच्याकडे आला आहे काय., असेल तर परत द्या. फिर्यादीच्या मुलाने उत्तर दिले की , तुमचा कोंबडा आमच्याकडे नाही. मनिषा शिंदे यांनी सांगितले त्यावर आमचा कोंबडा तुमच्याकडेच आहे, असे म्हणून मनिषा शिंदे व मुलगा आदेश पाटीलबुवा शिंदे, अविनाश घोंगे, रेणुका शिंदे, संदेश काळोखे, पाटीलबुवा बाळशिराम शिंदे, बाळशिराम चिंतामण शिंदे यांना बोलवून गणेश याला दगडाने व काठीने मारहाण केली. दरम्यान फिर्यादी व त्यांचे पती भांडणे सोडवण्यास आले असता पाटीलबुवा शिंदे यांनी फिर्यादीच्या डोक्यात दगड मारला व पतीच्या हाताच्या बरगडीला चाकू सारखी वस्तू मारून गंभीर दुखापत केली आहे. गणेश यांचा हात फॅक्चर झाला आहे. दुसऱ्या फिर्यादीत मनिषा पाटिलबुवा शिंदे (वय३५ ) (रा. औंढे ता खेड ) यांनी नमुद केले आहे कि, आमच्या घरासमोर अंगणात गणेश दत्ता शिंदे, दत्ता शंकर शिंदे, दिनेश दत्ता शिंदे, व इतर ४ जणांनी गर्दी जमवून मी हरविलेला कोंबडा आजुबाजुला शोधत असताना गणेश शिंदे यांने मनिषा शिंदे अश्लील शिवीगाळ करून दमदाटी केली. तसेच पती पाटीलबुवा शिंदे यांच्या डोळ्यात मिरची पुड टाकून आम्हास काठीने हाताने व लाथाबुक्यांनी मारहाण केली याबबत दोन्ही बाजुने परस्पर गुन्हे दाखल झाले आहेत पुढील तपास खेड पोलिस करित आहे.