Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

गंगापूर/ बिडकीन : दोन दुचाकींच्या समोरासमोर झालेल्या धडकेत एक जण ठार तर दोन जण गंभीर जखमी झाल्याची घटना गंगापूर-जामगाव मार्गावर गणपती बारव मंदिराजवळ गुरुवारी सायंकाळी सात वाजेच्या सुमारास घडली. दुसऱ्या घटनेत एका उभ्या ट्रकला पाठीमागून धडकल्याने एका दुचाकीस्वाराचा मृत्यू झाला. ही घटना पैठण रोडवरील बिडकीन येथे गुरुवारी दुपारी साडेबारा वाजेच्या सुमारास घडली. उत्तमराव नामदेव ठोंबरे (वय ७० वर्षे, रा. जामगाव) व संतोष गंगाधर कातारे (वय ४५, रा. नवीन कावसान पैठण) अशी मयतांची नावे आहेत.जामगाव येथील उत्तम ठोंबरे हे गुरुवारी सायंकाळी सातच्या सुमारास दुचाकीवर (एमएच २० - अेएन ४१९७) गावाकडे जात असताना दुसऱ्या एका दुचाकीवर (एमएच २० - अेयू २६०६) युवराज दगडू चुंगडे (वय १३, रा. कोबापूर) व सुनील रमेश साळुंखे (वय १७, रा. गंगापूर) हे दोघे गंगापूरकडे येताना गणपती बारव परिसरात ट्रॅक्टरला मागे टाकण्याच्या प्रयत्नात दोन्ही दुचाकी समोरासमोर धडकल्या. या भीषण अपघातात दोन्ही दुचाकीवरील उत्तमराव नामदेव ठोंबरे, युवराज चुंगडे व सुनील साळुंखे हे गंभीर जखमी झाले. त्यांना रुग्णवाहिका चालक शुभम वाघमारे व अनिकेत मुळक यांनी गंगापूर येथील उपजिल्हा रुग्णालयात दाखल केले. तेथे डॉ. सूर्यवंशी यांनी उत्तम ठोंबरे यांना तपासून मृत घोषित केले तर युवराज चुंगडे व सुनील साळुंखे यांच्यावर प्राथमिक उपचार करून त्यांना पुढील उपचारासाठी छत्रपती संभाजीनगर येथे दाखल करण्यात आले.मयत उत्तम ठोंबरे यांच्या पार्थिवावर शुक्रवारी सकाळी अंत्यसंस्कार करण्यात येणार आहेत. त्यांच्या पश्चात पत्नी, एक मुलगा, एक मुलगी, सून, नातवंड असा परिवार आहे. या घटनेची नोंद गंगापूर पोलिसात करण्यात आली आहे. अधिक तपास पो.ह. विजय पाखरे हे करीत आहेत.

Crime (Marathi News)

मध्य प्रदेशातील जबलपूर उच्च न्यायालयाने एका दाम्पत्याला २२ वर्षांनंतर घटस्फोट मंजूर केला आहे. ...

११ कोटींच्या एमडी सह काही हजार कोटींचे एमडी बनवण्या इतके साहित्य जप्त ...

अपार्टमेंटमधील अन्य फ्लॅटचे दरवाजे बाहेरून लावून घेत रेकी, शहर हद्दीलगत देवळाई, खडी रोड परिसरात वाढला वावर ...

Vanraj Andekar revenge: आंदेकर टोळीतील वनराज आंदेकर यांच्या खूनाचा बदला घेण्याची आग अद्याप धुमसत असल्याचे स्पष्ट झाले आहे. ...

मुकुंदवाडी पोलिसांची कारवाई; तीन वर्षांपासून अमली पदार्थांच्या विक्रीत सक्रिय ...

गंभीर गुन्हा करून पसार झालेला टिप्या पसार होऊन यापूर्वी दोनवेळेस थेट न्यायालयात शरण आला आहे. ...

लूक आऊट नोटीसमुळे देशात परतताच कारवाई ...

मयत गंगापूर व पैठण तालुक्यातील रहिवासी ...