ठळक मुद्देझाकिर शरिफुल्लाह सय्यद (३०) असं या आरोपीचं नावया तस्कराकडून ६६ ग्रॅम एमडी ड्रग पोलिसांनी हस्तगत केला सापळ्यादरम्यान ड्रग्ज तस्कर ट्रॉमा केअर रुग्णालयाच्या परिसरामध्ये आला
मुंबई - जोगेश्वरी परिसरात एका ड्रग्ज तस्कराला अटक करण्यात गुन्हे शाखेच्या पोलिसांना यश आले आहे. हा सराईत ड्रग्ज तस्कर असल्याची माहिती समोर आली. या तस्कराकडून ६६ ग्रॅम एमडी ड्रग पोलिसांनी हस्तगत केला आहे. झाकिर शरिफुल्लाह सय्यद (३०) असं या आरोपीचं नाव असून या आरोपीला गुन्हे शाखेच्या कक्ष क्रमांक १० ने अटक केली आहे.
जोगेश्वरी परिसरातील ट्रॉमा केअर रुग्णालयानजीक एक ड्रग्ज तस्कर येणार असल्याची माहिती कक्ष क्रमांक १० ला मिळाली. या मिळालेल्या माहितीनुसार कक्ष १० च्या पथकाने सापळा रचला. सापळ्यादरम्यान ड्रग्ज तस्कर ट्रॉमा केअर रुग्णालयाच्या परिसरामध्ये आला. याच्या हालचालीवरुन पोलिसांना त्याचा संशय आला. पोलिसांनी त्याला ताब्यात घेऊन त्याची झडती घेतली. या अंगझडतीमध्ये झाकिर शरिफुल्लाह सय्यद याच्याकडे ६६ ग्रॅम एमडी ड्रगचा साठा सापडला. या ड्रग्जची किंमत १ लाख ३२ हजार इतकी आहे. पोलीस निरीक्षक श्रीमंत शिंदे यांच्या मार्गदर्शनाखाली पोलीस निरीक्षक भोईर, पोखरकर, सहाय्यक पोलीस निरीक्षक पठाण, डोपेवाड आणि महिला सहाय्यक निरीक्षक खरात यांच्या पथकाने ही कारवाई केली आहे.