ठळक मुद्देअनिकेत अशोक वगारे असे जखमी युवकाचे नाव आहे. त्याला ओळखीतीलच अनिकेत फराके (२१), अजय निनावे (२१), इंदर उर्फ भगत सुगत (२१) तिघे रा. संकटमोचन उमरसरा यांनी बोलावून पळसवाडी कॅम्प येथे नेले
यवतमाळ : येथील पळसवाडी कॅम्पमध्ये जुन्या प्रेमसंबंधाच्या वादातून तिघांनी युवकावर चाकूने हल्ला करून त्याच्या खुनाचा प्रयत्न केला. ही घटना बुधवारी दुपारी ३.४५ वाजता घडली. या प्रकरणी शहर पोलिसांनी तिघांवर गुन्हा नोंदविला आहे.
अनिकेत अशोक वगारे असे जखमी युवकाचे नाव आहे. त्याला ओळखीतीलच अनिकेत फराके (२१), अजय निनावे (२१), इंदर उर्फ भगत सुगत (२१) तिघे रा. संकटमोचन उमरसरा यांनी बोलावून पळसवाडी कॅम्प येथे नेले. मुलीच्या कारणावरून वाद घालत अनिकेतच्या डोक्यावर चाकूने वार केले. त्याच्या हातावरही वार करण्यात आले. कसाबसा प्रतिकार करीत अनिकेतने स्वत:ची सुटका केली. याप्रकरणी अनिकेतचा मावस भाऊ प्रवीण लक्ष्मण राणे रा. पवारपुरा याच्या तक्रारीवरून शहर पोलिसांनी तिघांविरुद्ध भादंवि ३०७, ३२४, ३२३ नुसार गुन्हा दाखल केला आहे.