युएस - भरधाव वेगाने गाडी चालवत असल्यामुळे एका चालकाला ओक्लाहोमा पोलिसांनी अटक केल्यानंतर अनेक धक्कादायक आणि विचित्र गोष्टी पोलिसांसमोर आल्या.
हा चालक विवस्त्र अवस्थेत गाडी चालवत असल्याचे समोर आले असून त्याने केवळ अंतर्वस्त्र परिधान केली होती. एवढंच नाही तर त्याने शरीरातील काही भागावर वॅसलिन हे बॉडीलॉशनही लावले होते. तसंच त्याच्या गाडीच्या मागच्या सीटवर अनेक पॉर्न मॅगझीन्सही सापडले. त्याने असं करण्यामागचं कारण अद्यापही पोलिसांना कळले नसून याबाबत पुढील तपास सुरू आहे.
जॉन वेयन केलरमन (54) असे अटक झालेल्या चालकाचे नाव आहे. त्याला अटक करण्यात आली तेव्हा नैराश्यात असल्याचे पोलिसांनी सांगितले. तसेच त्याच्या संपूर्ण शरीराला फक्त वॅसलिनचाच उग्र वास येत होता. एवढंच नाही तर त्याच्या आयडी प्रुफवरही वॅसलिनीचाच वास येत असल्याने पोलीस अधिक संभ्रमात पडले. त्याच्याकडे असलेला वाहनचालकाच्या परवान्याची मुदतही 1985 साली संपली असून तो संपलेल्या लायसन्सचा अजूनही वापर करत असल्याची धक्कादायक माहिती समोर आली आहे.
जॉनविषयी अधिक तपास केला असता असं समोर आलं की, तो तब्बल 27 वर्षे तो वेगवेगळ्या कारणाने कारागृहात बंद होता. त्याच्यावर ड्रग्सचं व्यसन, चोरी, अत्याचार अशा अनेक गुन्ह्यांचे आरोप होते. या गुन्ह्यांसाठी त्याने 27 वर्षे तुरुंगाची हवाही खाल्ली आहे. मात्र तो नग्नावस्थेत कुठे जात होता यामागचं कारण अद्यापही पोलीस शोधत आहेत.
विकृत अवस्थेत गाडी चालवणे, वाहनचालकाचा परवाना नसणे आणि भरधाव वेगाने गाडी चालवणे अशा गुन्ह्यांसाठी त्याच्यावर पोलिसांनी तक्रार दाखल केली असून त्याला 1 हजार डॉलरचा दंड ठोठावण्यात आला आहे.
सौजन्य- www.dailymail.co.uk