(Image Credit : Aajtak)
बिहारमध्ये (Bihar) बालपणीच्या प्रेमाच गुरूवारी दुःखद अंत (Bihar Couple Suicide) झाला. छोट्या छोट्या गोष्टीवरून सतत वाद होत असल्याने प्रियकराने मोबाइल फोन स्वीच ऑफ केला म्हणून प्रेयसीने मुजफ्फरपूरमध्ये गळफास घेऊन आत्महत्या केली. तर तिच्या मृत्यूची बातमी ऐकून प्रियकराने जयपूरमध्ये एका बिल्डींगच्या ८ व्या मजल्याहून उडी मारत जीव दिला.
ही धक्कादायक घटना मुजफ्फरपूरच्य अंजली आणि विवेकसोबत घडली. मुजफ्फपूरच्या काजी मोहम्मदपूरमध्ये राहणारी २३ वर्षीय अंजली जयस्वालचं २६ वर्षीय विवेक कुमारसोबत ८व्य वर्गापासून अफेअर सुरू होतं. दोघेही शाळेत एकत्र शिकत होते. दोघेही आपल्या विश्वात आनंदी होते.
यादरम्यान ४ वर्षाआधी विवेक इंजिनिअरींग करण्यासाठी जयपूरला गेला. त्यामुळे दोघेही फोनवर सतत बोलत होते. अंजील सीएची तयारी करत होती. दोघांमध्ये नेहमीच भांडणही होत होतं. अलिकडे त्यांची भांडणं वाढली होती. बुधवारी रात्रीही एक मैत्रीण त्यांचं नातं ठीक करण्याचा प्रयत्न करत होती.
रात्री तिघांचा कॉन्फरन्स कॉल सुरू होता. तेव्हाच पुन्हा दोघांमध्ये भांडण झालं. रागाच्या भरात विवेकने फोन कट केला. अंजली त्याला पुन्हा पुन्हा फोन लावत होती. त्यामुळे त्यांनी फोन स्वीच ऑफ केला. सकाळी त्याला प्रेयसीच्या मृत्यूची बातमी मिळाली. यानंतर गुरूवारी दुपारी विवेकने बिल्डींगहू उडी घेत आपलाही जीव दिला.
प्रियकर विवेकच्या कुटुंबियांनी त्याच्या मृत्यूनंतर दोघांच्या प्रेम प्रकरणाबाबत सांगितलं. त्याच्या मृत्यूची बातमी ऐकून अर्थातच कुटुंबियांना धक्का बसला आहे. विवेकचे काका म्हणाले की, आम्हाला तीन वर्षापासून त्यांच्या नात्याबाबत माहिती होती. अशात हे असं काही घडेल याचा अंदाज नव्हता. त्याने एकदा जरी सांगितलं असतं तर आम्ही अंजलीला आनंदाने सून म्हणून घरात आणलं असतं.