जव्हारमध्ये आदिवासी महिलेचा खून; गुन्हा दाखल
हुसेन मेमन -
जव्हार तालुक्यातील पिंपळशेत पैकी पळशीन येथील गुलाब शांताराम लाखन वय 40 या महिलेचा रविवार दि. 11 जुलै रोजी खून झाल्याची घटना घडली आहे. पळशीन येथील गुलाब लाखन ही महिला शनिवारपासून शेतात गेली होती तेथून ती परतली नाही. यामुळे तिचा शोध घेण्यासाठी गावकऱ्यांनी परिसरातील जंगल पिंजून काढले. अखेर तिचा मृतदेह रविवारी पळशीनच्या बाळंतीण डोंगरात उक्षीच्या झुडपाजवळ सापडला असून, तिचा खून झाल्याचे स्पष्ट झाले आहे.
याबाबत दिलीप लाखन याने जव्हार पोलीस ठाण्यात फिर्याद दिल्यावरून जव्हार पोलिसांनी अज्ञात आरोपीविरोधात कलम 302 अन्वये गुन्हा दाखल केला आहे. पुढील तपास पोलीस निरीक्षक आप्पासाहेब लेंगरे करीत आहेत.