Crime News : उत्तर प्रदेशच्या कानपूरमध्ये एका तरूणाची त्याच्या लग्नाच्या तीन दिवसांआधी हत्या करण्यात आली. आरोपींनी या तरूणाचा प्रायवेट पार्टही कापला. तरूणाचा मृतदेह शेतात आढळून आल्यावर पोलिसांना सूचना देण्यात आली. पोलिसांनी मृतेदह ताब्यात घेतला आणि पोस्टमार्टमला पाठवून चौकशी सुरू केली. पोलिसांना घटनास्थळी दारूचा एक पाउच आणि दोन ग्लासही सापडले आहेत.
मिळालेल्या माहितीनुसार, बुधवारी सकाळी काही लोक नोन नदीकडे जात होते. यादरम्यान तरगांवचा राहणारा नीलम यादव यांचा मृतदेह त्यांना आढळून आला. या लोकांनी याची माहिती गावातील इतर लोकांना दिली तेव्हा एकच गोंधळ उडाला. लगेच याची माहिती पोलिसांना देण्यात आली. पोलीस घटनास्थळी पोहोचले.
तरूण पांढरा पॅंट आणि पांढऱ्या शर्टमध्ये होता. त्याचं वय साधारण 27 सांगितलं गेलं. प्राथमिक पाहणीत ही घटना प्रेमसंबंधाची दिसत आहे. पोलिसांनी मृतदेह पोस्टमॉर्टमला पाठवला आणि चौकशी सुरू केली.
मोहनपूरच्या लोकांनी पोलिसांना सांगितलं की, मृत तरूणाचं नाव धर्मेंद्र कुरील आहे. त्याची बुधवारी हळदही झाली होती. तो हळदीनंतर घरातून निघाला होता. 11 जून रोजी त्याचं लग्न होतं. फतेहपूरमध्ये त्याचं लग्न होणार होतं. अशात प्रश्न विचारला जात आहे की, त्याच्या लग्नाच्या तीन दिवसाआधी त्याची हत्या कुणी आणि का केली असेल?
पोलिसांनी सांगितलं की, कुटुंबियांच्या तक्रारीवरून पुढील चौकशी केली जात आहे. त्यांनी कुणावरही संशय व्यक्त केला नाही. रात्री जेव्हा तरूण गायब झाला तेव्हा त्याची सूचना पोलिसांना देण्यात आली नव्हती. त्याच्या हत्येदरम्यान त्याचा प्रायवेट पार्ट कापण्याचा अर्थ काय आहे? याबाबत पोलीस चौकशी करत आहेत.