मुंबई : मुंबईतील 17 वर्षीय मुलीने आपल्या प्रियकरासोबत घराच्या पहिल्या मजल्यावरून उडी मारल्याची घटना घडली. या घटनेत तिच्या पायाला दुखापत झाली आहे. ही घटना गेल्या शुक्रवारी कुर्ला येथील बैल बाजार परिसरातील घडली.
याबाबत सविस्तर माहिती अशी की, ही मुलगी आपल्या प्रियकरासोबत तिच्या बेडरूममध्ये होती. त्यावेळी तिला आपली आई घरी आल्याचे समजले. त्यानंतर तिने आपल्या प्रियकराला खिडकीतून उडी मारून जाण्यास सांगितले आणि तिनेही खिडकीतून उडी मारली. मात्र, उडी मारल्यानंतर तिच्या डाव्या पायाला दुखापत झाली. या घटनेनंतर ती घाबरून गेली आणि तिने आपल्या कुटुंबीयांसमोर कबुल केले की, ती प्रियकरासोबत बेडरुममध्ये होती. सुनील झेंडे (20) असे या प्रियकराचे नाव आहे.
दरम्यान, याप्रकरणी सुनील झेंडे याच्याविरोधात तिच्या कुटुंबीयांनी पोलिसांत तक्रार दाखल केली आहे. त्यानुसार पोलिसांनी सुनील झेंडे याच्यावर पोस्को कायद्यांतर्गत गुन्हा दाखल करून त्याला अटक केली आहे.
आणखी बातम्या..
YES Bank crisis: राणा कपूर यांच्या मुलीला लंडनला जाण्यापासून रोखले, कुटुंबीयांविरोधात लुकआऊट नोटीस
मनसेचं शॅडो कॅबिनेट निश्चित; एकनाथ शिंदेंच्या कारभारावर संदीप देशपांडे ठेवणार नजर