सदानंद नाईक
उल्हासनगर : शहरातील धोबीघाट व म्हारळ गावाच्या हद्दीत एका ८ ते ९ जणांच्या टोळक्याने रविवारी मध्यरात्री धुळघुस घालून १५ पेक्षा जास्त रिक्षा व मोटारसायकलची तोडफोड केली. तर म्हारळ गावातील काही जणांना मारहाण केल्याने, एक जण गंभीर जखमी झाला. याप्रकरणी उल्हासनगर व टिटवाळा पोलीस ठाण्यात गुन्हे दाखल झाल्याची माहिती पोलीस निरीक्षक संतोष गोरे यांनी देऊन दोघांना अटक केल्याची माहिती दिली.
उल्हासनगर धोबीघाट परिसर व खेमानी विभागात काही तरुण धुडघुस घालून नागरिकांना विना कारण मारहाण केल्याचे प्रकार वारंवार घडत असल्याने, पोलिसही हैराण झाले. रविवारी मध्यरात्री २ वाजण्याच्या दरम्यान शहराच्या हद्दीवरील म्हारळ गावात ८ ते ९ जणांच्या टोळक्याने धुडगूस घालून काही जणांना मारहाण करून मोटारसायकल व रिक्षांची तोडफोड केली. त्यानंतर टोळक्याने घोबीघाट परिसरात धुडगूस घालून रिक्षांची तोडफोड केली. याप्रकारने परिसरात भितीचे वातावरण निर्माण झाले असून अश्या टोळक्यावर कारवाई करण्याची मागणी होत आहे. म्हारळ गावात झालेल्या मारहाण व गाड्याच्या तोडफोड प्रकरणी टिटवाळा तर घोबीघाट परिसरात झालेल्या रिक्षाच्या तोडफोड प्रकरणी उल्हासनगर पोलीस ठाण्यात गुन्हा दाखल झाला. पोलीस उपायुक्त प्रशांत मोहिते व पोलीस निरीक्षक संतोष गोरे यांनी दखल घेऊन चौकशी सुरू केली.
शहराच्या धोबीघाट व म्हारळ गाव हद्दीत धुळगूस व तोडफोड करणारे टोळके म्हारळ गाव व धोबीघाट परिसरातील राहणारे असून ८ ते ९ जनावर उल्हासनगर पोलीस ठाण्यात गुन्हे दाखल झाले. याप्रकरणी संतोष ठाकूर व रवी चव्हाण या दोघांना उल्हासनगर पोलिसांनीअटक केली असून इतरांचा शोध घेतला जात असल्याची माहिती पोलीस निरीक्षक संतोष गोरे यांनी दिली. अधिक तपास उल्हासनगर पोलीस करीत आहेत