मुंबई - गोरेगाव येथील बांधकाम व्यावसायिकाला दूरध्वनीवरून धमकावून दोन कोटींची खंडणी मागितल्याप्रकरणी पोलिसांनी आज कुख्यात गुन्हेगार रवी पुजारीच्या हस्तकाविरोधात मोक्का कायद्यांतर्गत गुन्हा दाखल केला. या बांधकाम व्यावसायिकाची माहिती पुजारीला देणाऱ्या विल्यम अल्बर्ट रॉड्रिक्स (21) याला गुन्हे शाखेच्या खंडणीविरोधी पथकाने नुकतीच अटक केली होती. पुजारी डिसेंबर 2018 पासून या बांधकाम व्यावसायिकाला खंडणीसाठी धमकावत असे. या बांधकाम व्यावसायिकाने खंडणी देण्यास नकार दिल्यामुळे पुजारीने त्याचा भाऊ व वहिनीलाही धमकावण्यास सुरुवात केली. बांधकाम व्यावसायिकाचा परदेशात शिकणारा पुतण्या भारतात आल्यानंतर त्याला सोडले नाही, त्याला देखील धमकावण्यात आले. त्यामुळे गोरेगाव परिसरात राहणारी व्यक्तीच या बांधकाम व्यावसायिकाबाबतची माहिती पुजारी टोळीपर्यंत पोहोचवत असल्याचा पोलिसांचा अंदाज होता. तपासादरम्यान, ओशिवरा बस डेपोसमोर राहणारा विल्यम ही माहिती पुजारी टोळीचा मुंबईतील प्रमुख आकाश शेट्टीपर्यंत पुरवत असल्याचे उघड झाले. त्यानंतर पोलिसांनी रॉड्रिक्सला अटक केली. त्याच्याविरोधात गोरेगाव पोलीस ठाण्यात मारामारीचे अनेक गुन्हे दाखल आहेत. त्याला तडीपार करण्याचीही प्रक्रिया सुरू होती. खंडणी मागितल्याप्रकरणी पुजारी व शेट्टीविरोधात गुन्हा दाखल करण्यात आला होता. या प्रकरणी शेट्टीलाही अटक करण्यात आली होती.खंडणी विरोधी पथकाने आकाश शेट्टीला यापूर्वी अटक केली असून आता विल्यमला देखील बेड्या ठोकल्या आहेत.
रवी पुजारीच्या हस्तकाविरोधात मोक्काअंतर्गत गुन्हा
By ऑनलाइन लोकमत | Updated: January 28, 2019 20:27 IST
या बांधकाम व्यावसायिकाची माहिती पुजारीला देणाऱ्या विल्यम अल्बर्ट रॉड्रिक्स (21) याला गुन्हे शाखेच्या खंडणीविरोधी पथकाने नुकतीच अटक केली होती.
रवी पुजारीच्या हस्तकाविरोधात मोक्काअंतर्गत गुन्हा
ठळक मुद्देपुजारी डिसेंबर 2018 पासून या बांधकाम व्यावसायिकाला खंडणीसाठी धमकावत असे.ओशिवरा बस डेपोसमोर राहणारा विल्यम ही माहिती पुजारी टोळीचा मुंबईतील प्रमुख आकाश शेट्टीपर्यंत पुरवत असल्याचे उघड झाले. त्यानंतर पोलिसांनी रॉड्रिक्सला अटक केली.