मेघालयातील इंदूर येथील राजा रघुवंशीच्या हत्येप्रकरणी एक खळबळजनक खुलासा झाला आहे. सोनम रघुवंशीने तिचा बॉयफ्रेंड राज कुशवाहसह मिळून पतीची हत्या केल्याची माहिती पोलिसांनी केली आहे. लग्नापूर्वी सोनमचे राज कुशवाहशी प्रेमसंबंध होते आणि तोच या हत्येचा मास्टरमाईंड आहे. या घटनेने सर्वांनाच मोठा धक्का बसला आहे.
राजाच्या हत्या प्रकरणाच्या तपासात असं दिसून आलं की, सोनमच्या वडिलांचा इंदूरमध्ये एक छोटा प्लायवूड कारखाना आहे, जिथे राज कुशवाह काम करत होता. सोनम अनेकदा कारखान्याच्या कार्यालयात येत असे आणि इथेच दोघं एकमेकांच्या प्रेमात पडले. तिथेच त्यांची लव्हस्टोरी सुरू झाली होती. राज कुशवाह हा सोनमपेक्षा ५ वर्षांनी लहान आहे. या प्रेमप्रकरणामुळेच सोनमने राजसोबत मिळून राजाच्या हत्येचा भयंकर कट रचला.
"सोनम धाब्यावर आली, घाबरलेली, रडत म्हणाली..."; साहिलने सांगितलं रात्री १ वाजता काय घडलं?
इंदूरचा ट्रान्सपोर्ट व्यावसायिक राजा रघुवंशी आणि सोनम यांचं ११ मे रोजी मोठ्या थाटामाटात लग्न झालं. लग्नाच्या नऊ दिवसांनंतर २० मे रोजी हे कपल मेघालयला त्यांच्या हनिमूनसाठी निघाले. २२ मे रोजी ते भाड्याने घेतलेल्या स्कूटरने मावलाखियाट गावात पोहोचले. नोंगरियाटमधील शिप्रा होमस्टे येथे एक रात्र राहिले आणि २३ मे रोजी सकाळी बाहेर पडले. त्यानंतर दोघेही बेपत्ता झाले.
"सोनमला फाशी झालीच पाहिजे"; राजाच्या हत्येनंतर आईचा आक्रोश, घरात कशी वागायची सून?
सोनम बेवफा! ११ मे ला लग्न, २० ला हनिमून, २३ ला हत्या; १७ दिवसांनी कोणाला केला पहिला फोन?
२४ मे रोजी शिलाँग-सोहरा रस्त्यावर सोहरारीम येथील एका कॅफेबाहेर त्यांची स्कूटर सापडली. त्यानंतर राजाचा मृतदेह वेइसावडोंग धबधब्याजवळील खोल दरीत आढळला. पोलीस आता हत्येच्या कटाचा आणि इतर लोकांचा कसून तपास करत आहेत. या प्रकरणातील चौथा आरोपी आनंद याला अटक करण्यात आली आहे.