हैदराबाद : एका २५ वर्षीय तरुणाने एका २४ वर्षीय तरुणीवर बलात्कार (Sexual Abuse) केला. त्यानंतर तिची हत्या केली. इतकेच नाहीतर तिच्या मृतदेहावर देखील बलात्कार केला. तेलंगणातील (Telangana) हैदराबादपासून ५० किमी अंतरावर असलेल्या चौतुप्पल गावात ही धक्कादायक घटना घडली आहे.
चौतुप्पल येथील एका गोडाऊनमध्ये एका २५ वर्षीय पुरुषाने एका महिलेवर बलात्कार केला, ती मृत होईपर्यंत तिची कवटी (Skull) फोडली आणि नंतर तिच्या निर्जीव शरीरावर लैंगिक अत्याचार केले. या भीषण गुन्ह्याच्या घटनास्थळापासून अवघ्या एक किमी अंतरावर असलेल्या मलकापूर गावातील लेबर कॅम्पातून आरोपीला बुधवारी पकडण्यात आले. आरोपी बांधकाम पर्यवेक्षक म्हणून काम करत होता. त्याच्या घराजवळील गोडाऊनमध्ये पीडित महिला आपल्या पतीसोबत राहत होती. तिचा पती जवळच्या महाविद्यालयात वॉचमन म्हणून काम करत होता. त्यामुळे ती महिला दिवसभर घरी एकटीच राहत होती. आरोपी गेल्या अनेक दिवसांपासून तिच्या मागावर होता. गेल्या ९ मे रोजी आरोपीने गोडाऊनमध्ये घुसून महिलेला जीवे मारण्याची धमकी देऊन बलात्कार केला. त्यानंतर तासाभरातच तिच्या डोक्यावर प्रहार करून तिची हत्या केली. नराधम इतक्यावरच थांबला नाही तर त्या नराधमाने वारंवार तिच्या मृतदेहावर देखील बलात्कार केला.
शेतातून घरी परतणाऱ्या तरुणीवर 'गॅंगरेप', आरोपींनीही दिली 'ही' धमकी
काका तीन महिन्यांपासून भाचीची लुटत होता अब्रू; गरोदर झाल्यानं उघड झालं रहस्य