पनवेल - वरळीत कुत्र्याच्या पिल्लाला मरेपर्यंत मारहाण करणाऱ्या सुरक्षारक्षकांना वरळी पोलिसांनी अलीकडेच अटक केली होती. ही घटना ताजी असतानाच खारघर परिसरात कुत्रीवर लैंगिक अत्याचार करणाऱ्या आरोपीला खारघर पोलिसांनी बेड्या ठोकल्या आहेत. न्यायालयाने त्याची रवानगी २६ ऑगस्टपर्यंत पोलीस कोठडीत केली. त्यामुळे आज त्याची पोलीस कोठडी संपत असून त्याला पुन्हा न्यायालयात हजर केले जाणार आहे. मनमोहन कुमार गोवर्धन राम (वय-२०) असं या आरोपीचं नाव आहे.
१४ ऑगस्ट रोजी ही घटना घडली असून १७ ऑगस्टला गुन्हा दाखल करण्यात आला होता. एक विकृत व्यक्ती कुत्रीवर लैगिक अत्याचार करत असलेला व्हिडिओ सोशल मीडियावर व्हायरल झाला होता. हा व्हिडीओ खारघर येथील असल्याची माहिती समोर आल्याने एका नागरिकाने याप्रकरणी खारघर पोलीस ठाण्यात तक्रार दाखल केली. संबंधित व्हिडीओ सेक्टर ४ खारघर येथील असल्याने सेक्टर ४ मधल्या एका ढाब्याच्या मालकाला हा व्हिडीओ दाखवण्यात आला. त्या मालकाने व्हिडीओ पाहिला व व्हिडीओतला मुलगा मनमोहन असून तो याचा त्याच्यात ढाब्यात काम करत असल्याचे त्यांनी सांगितले. या व्हिडीओबाबत मनमोहन याला विचारले असता त्याने कुत्रीवर अत्याचार केल्याची कबुली दिली. विकृत मनमोहनला खारघर पोलिसांच्या ताब्यात देण्यात आले. आरोपीला न्यायालयासमोर हजर केले असता न्यायालयाने त्याची रवानगी २६ ऑगस्टपर्यंत पोलीस कोठडीत करण्यात आली. आज त्याला पुन्हा न्यायालयात हजर केले जाणार आहे.