कोरोनाचा संसर्ग रोखण्यासाठी संबंध देशात लॉकडाऊन आहे. मात्र, अशा परिस्थितीत गुन्हे आणि महिला अत्याचाराच्या घटनांत घट झालेली नाही. दिल्लीच्या जंगपुरा येथे एका वकील महिलेवर बलात्कार झाल्याची घटना घडली आहे. चोरी करण्याच्या उद्देशाने आरोपीने प्रथम महिलाच्या घरात प्रवेश केला. घरात एकट्या महिलेला पाहून त्या व्यक्तीने तिला चाकूचा धाक दाखवून जीवे मारण्याची धमकी दिली, त्यानंतर तिच्यावर बलात्कार केला.बलात्कारानंतर आरोपीने गळा दाबून पळ काढला होता. नंतर या महिलेचा मृत्यू झाल्याचे आरोपीला वाटले. ही घटना शुक्रवारी घडली आहे. त्या व्यक्तीने महिलेला धमकावले होते की, तिने आवाज केला तर ती चाकूने वार करुन तिला ठार मारेन. सोनू असे आरोपीचे नाव आहे.पोलिसांनी आरोपीला अटक केली आहे. घटनास्थळापासून काही अंतरावर आरोपी एका सीसीटीव्हीमध्ये दिसला, त्यानंतर पोलिसांनी आरोपीला अटक केली. आरोपी सोनूने चौकशीत सांगितले की, त्याने चोरीच्या उद्देशाने त्या महिलेच्या घरात प्रवेश केला होता. जेव्हा त्याने महिलेला एकटे पाहिले तेव्हा त्याने बलात्काराची घटना घडवून आणली. बलात्कारानंतर त्याने महिला वकिलाची गळा आवळून हत्या केल्याचे आरोपीने सांगितले.गळा आवळल्याने महिला बेशुद्ध पडली. महिला मृत असल्याचा आरोपीला भास झाला आणि त्यानंतर आरोपी महिलेचे डेबिट कार्ड, घरात ठेवलेली रोकड व काही महत्त्वाच्या वस्तू घेऊन फरार झाला. आरोपीवर आणखी गुन्हे नोंद आहेत. आरोपी सोनू हा तैमूर नगर, दिल्लीचा रहिवासी आहे. पोलीस सूत्रांनी दिलेल्या माहितीनुसार, घटनास्थळापासून काही अंतरावर एका सीसीटीव्हीमध्ये आरोपी दिसला. चौकशीत महिलेने दिलेल्या वर्णनाच्या आधारे आरोपीला अटक करण्यात आली. आरोपीने गुन्ह्याची कबुली दिली आहे. पीडित महिलेवर रुग्णालयात उपचार सुरू आहेत.
कामगार नेते, जितेंद्र आव्हाड यांचे सासरे दादा सामंत यांची आत्महत्या
अल कायदाला आर्थिक मदत करणाऱ्या तेलंगणातील इंजिनिअरला भारताकडे सोपवले
लाखोंची लाच मागितल्याप्रकरणी पोलीस अधिकाऱ्यासह चौघांवर गुन्हा दाखल
Coronavirus : सामूहिक बलात्कारातील आरोपी निघाला कोरोनाग्रस्त; पीडितेसह मॅजिस्ट्रेटवर संकट
मुलीचे लग्न लागताच अरुण गवळीला न्यायालयाचा दणका; सरेंडर होण्याचे आदेश
माझ्याशी सेक्स चॅट कर, नाहीतर...; सहावीच्या मुलाची तरुणीला धमकी