झारखंडच्या गढवा जिल्ह्यातील रमकंडा पोलीस स्टेशन अंतर्गत एक खळबळजनक घटना उघडकीस आली आहे. एका बॉयफ्रेंडने आपल्या गर्लफ्रेंडला पाणीपुरीमध्ये विष मिसळून मारण्याचा भयानक कट रचला होता. सुदैवाने तरुणी थोडक्यात वाचली आहे. स्वत:चा जीव वाचवण्यासाठी तिने संपूर्ण रात्र जंगलात लपून काढली. आरोपीने लग्नाचं आमिष दाखवून तरुणीशी शारीरिक संबंध ठेवले होते, मात्र ती आठ महिन्यांची गरोदर राहिल्यावर त्याने तिची हत्या करण्याचा प्रयत्न केला.
मिळालेल्या माहितीनुसार, साकेत केशरी नावाच्या तरुणाचं गेल्या ६ वर्षांपासून तरुणीसोबत प्रेमसंबंध होते. एक वर्षापूर्वी त्यांना एक मुलगाही झाला होता. मात्र गाव आणि समाजाने यात हस्तक्षेप केल्यानंतर त्या दोघांना वेगळं करण्यात आलं होतं आणि त्यांच्या भेटीगाठींवर बंदी घालण्यात आली होती. आरोप असा आहे की, काही महिन्यांनंतर आरोपीने पुन्हा तरुणीशी संपर्क साधला. यानंतर तरुणी पुन्हा गरोदर राहिली. सध्या ती आठ महिन्यांची गरोदर असल्याचं सांगण्यात येत आहे.
विषारी पाणीपुरी देऊन मारण्याचा प्रयत्न
तरुणीने दिलेल्या माहितीनुसार, २१ फेब्रुवारी २०२६ रोजी दुपारी दोनच्या सुमारास आरोपीने तिला फोन करून काहीतरी खायला जाऊ असं सांगितलं. तेव्हा तिने पाणीपुरी खाण्याची इच्छा व्यक्त केली. पाणीपुरी खाल्ल्यानंतर तिला उलट्या होऊ लागल्या आणि तोंडातून रक्त येऊ लागलं. सायंकाळी चारच्या सुमारास आरोपीने पुन्हा फोन करून तिला डॉक्टरकडे नेतो असं सांगितलं.
तरुणीला बेदम मारहाण
डॉक्टरकडे नेण्याऐवजी तो तिला बाईकवरून एका जंगलात घेऊन गेला. जंगलात १०० मीटर आत नेऊन त्याने तरुणीला बेदम मारहाण केली आणि गळा दाबून तिची हत्या करण्याचा प्रयत्न केला. या मारहाणीत तरुणीच्या डोळ्याला गंभीर दुखापत झाली आणि ती बेशुद्ध पडली. शुद्धीवर आल्यानंतर ती कशीबशी जंगलात लपली आणि संपूर्ण रात्र तिने तिथेच काढली.
साकेत केशरी याला अटक
दुसऱ्या दिवशी सकाळी तरुणीने घर गाठून कुटुंबीयांना हा सर्व धक्कादायक प्रकार सांगितला. तिच्या तक्रारीवरून रमकंडा पोलीस ठाण्यात एफआयआर (FIR) दाखल करण्यात आला आहे. पोलिसांनी तातडीने कारवाई करत आरोपी साकेत केशरी याला अटक केली आहे. सध्या पोलीस या प्रकरणाचा अधिक तपास करत आहेत. या घटनेमुळे परिसरात खळबळ उडाली आहे.
Web Summary : In Jharkhand, a man tried to kill his pregnant girlfriend with poisoned Pani Puri after promising marriage. She survived a brutal attack in a forest. The boyfriend is now arrested.
Web Summary : झारखंड में एक व्यक्ति ने शादी का वादा करके गर्भवती प्रेमिका को जहरीली पानी पुरी खिलाकर मारने की कोशिश की। वह जंगल में एक क्रूर हमले में बच गई। प्रेमी गिरफ्तार।